juulli
DR-ip juullimi inuulluaqqussutaa KNR-ikkut takutinneqassanngilaq
KNR-ip aallakaatitassiap nuannarineqarluartup takutinnissaanut pisinnaatitaaffeqanngilaq, taamaammat DR1-ikkut isiginnaarneqassaaq.
Annonce
DR-ip juullimi Nunatsinnut inuulluaqqussutaa juullikkut ileqquusut ilagilluinnarpaat.
Sumiiffinni arlalinni uanilu nittartakkami atuarneqarsinnaavoq, aallakaatitassiaq DR-imi aamma KNR-imi aallakaatinneqartussaasoq. Tamannali eqqunngilaq, KNR-ip tv-mi pisortaa Kim Larsen ilisimatitsivoq.
Tassami KNR-ip aallakaatitassiap takutinnissaanut pisinnaatitaaffeqanngilaq, taamaattumillu KNR-ip 2013-imi nammineq tv-kanaleqalerneranit periarfissaajunnaarsimavoq.
DR-ip juullimut inuulluaqqussutaa isiginnaarusukkaanni DR1-ikkut takuneqarsinnaavoq, taanna sapaatiuppat aallakaatinneqassaaq.
'Inuit Juullimut Nunatsinnut inuulluaqqussutaat' KNR-ikkut juullip unnukkuani aallakaatinneqassaaq.