Skip to main content

Doris: Benziinamut pisinermi korti allamit atornerlunneqarpoq

Naalakkersuisup Doris J. Jensenip benziinamut kortini ukiakkut 2017-imi naapertuutinngitsumik atorneqarsimasoq maanna uppernarsarpaa.

Naalakkersuisunut ilaasortaq benziinamik pisinermut kortimik, Namminersorlutik Oqartussanit pigineqartumik atornerluisimanngitsoq, Vittus Qujaukitsup paragraf 37 naapertorlugu Tillie Martinussenimut Suleqatigiissitsisuneersumut akissuteqaamminioqaatigaa.

Atornerluisoqarsimavoq

Kisianni benziinamik pisinermut korti Doris J. Jensenimit pigineqartoq, inummit allamit atornerlunneqarsimasoq paasinarsivoq.

Akissummut ilanngullugu Doris J. Jensen paasissutissiinermini ima allappoq:

- Ilinniartitaanermut, Kultureqarnermut, IIisimatusarnermut Ilageeqarnermullu Naalakkersuisuunerma nalaani biilinut naalakkersuisoqarfimmi sulinermut atatillugu atorneqartussanut atatillugu kortit benzinamik pisinermut atorneqartussat naapertuutsinngitsumik atorneqartut 2011-imi ukiaanerani paasineqarmat ilanngullugu oqaatigineqarnissaa naapertuuttutut isigaara.

- Pissutsit taamaannerat paasigakku kukkunersiuisartut suliffeqarfiat Deloitte ingerlaannaq qinnuigaara suliaq avataanit misissoqqullugu. Tassunga atatillugu naapertuutinngitsumik atorneqartut 6.855,45 kr. -t missaanniittut Deloittemit oqaatigineqarpoq. Tamatuma kingunitsianngua inummit kortimik naapertuutinngitsumik atuisimanerminik nassueruteqartumit aningaasat taakku utertillugit akilerneqarput. Ilanngullugu oqaatigineqarsinnaavoq inuk uanga inoqutima avataaniittoq pineqarmat.

Politiinut nalunaarutigineqartoq

- Pisoq taamani lIinniartitaanermuf, Kultureqarnermut, Ilisimatusarnermut Ilageeqarnermullu Naalakkersuisoqarfimmit politiinut nalunaarutigineqarpoq.

- Aammattaaq tamatuma saniatigut suliaq pillugu ulloq 14. november 2017-imi aammalu Deloittep misissuinerata inernera, tassungalu ilanngullugu ulloq taanna Naalakkersuisoqarfiup politiinut nalunaarutiginninnera pillugu ulloq 24. november 2017- imi Kukkunersiuinermut Ataatsimiititaliaq ilisimatippara. Aammattaaq suliaq pillugu Naalakkersuisut Siulittaasuannut Naalakkersuisunullu ilisimatitsissuteqarpunga.

Pasilliut taamaatiinnarneqartoq

- Tamatuma kingornagut pisuutitaasutut pineqartup orsersornissamut kortimut Namminersorfutik Oqartussanit pigineqartumut atatillugu paasissutissanik atornerluisimasutut eqqartuussivimmi pisuutinneqarsinnaanera politiinit ilimagineqannginnera tunngavilersuutigalugu pasilliut taamaatiinnarneqartoq politiinit naalakkersuisoqarfigisimasannut ilisimatitsissutigineqarsimasoq paasitinneqarpunga. 

Vittus Qujaukitsoq nassuiaatigineqartumut apeqqutigineqartunullu annertunerusumik immikkut oqaaseqaatissaqarani ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER