pisortap soraarnera
Doris: Naalakkersuisoqarfimmi pisortaq soraarsitaavoq
Siumut sinnerlugu Inatsisartuni ilaasortaq Doris Jakobsen Carsten Frank Hansenip tunuarnera pillugu allaaserisamut oqaaseqarpoq kukkusumik paasissutissartalimmik
Aningaasaqarnermut pisortaqarfimmi Carsten Frank Hansenip soraarnera pillugu Sermitsiaq.AG-mi allaaserisaq atuartartut oqaaseqarfigilluarpaat. Tamakku ilagaat inatsisartuni ilaasortaq Doris Jakobsen, allassimasoq Carsten Frank Hansen soraarsitaasimasoq naak namminersorlutik oqartussat erseqqissumik nalunaaraluartut Carsten Frank Hansen nammineq tunuartoq.
Doris Jakobsenili facebookimini ataasinngornermi allappoq Carsten Frank Hansen soraarsitaasoq Berlingske Businessimi saqqummiunneqarmat aningaasarsiornikkut peqquserluuteqarsimasutut pasisaavoq suliffigisaminilu kingullerni marlunni peersitaasimasoq. Naalakkersuisullu eqqortumik aalajangersimanerarpai nalunaqimammi ilumut peqquserluuteqarsimanersoq. Qujanaqaarooq eqeersimaartunik aviisiliortoqarmat. Aajunalu Doris Jakobsenip qallunaatut allataa:
'Begrundelse for fyring er:
Berlingske har afsløret, at den netop udpegede departementschef i det grønlandske finansministerium både er blevet sigtet for økonomisk kriminalitet og bortvist fra sine to seneste arbejdspladser.
Derfor mener jeg, at det er en rigtig beslutning, som Naalakkersuisut har taget til sidst. Hvem ved jo i starten, at han er blevet sigtet for økonomisk kriminalitet? Det er godt, der findes jounalister, der virkelig går i dybten'.
Kisianni Naalakkersuisut siulittaasuata naalakkersuisoqarfiani pisortap Svend Hardenbergip ataasinngornermi ualikkut Carsten Frank Hansen ataatsimeeqatigaa.
- Nammineerluni ingerlaannaq soraarniuteqarpoq. Aamma soraarnerminut atatillugu ajunngitsorsiassarsitinneqassanngilaq, Svend Hardenberg Sermitsiaq.AG-mut oqarpoq.