peqqissuuneq

Doris Jakobsen peqqissutsimik suliniutinut aningaasanik agguaavoq

Peqqissutsimik siuarsaanernut pinaveersaartitsinermilu suliniutinut assigiinngitsunut 22-nut aningaasat agguaanneqaqqammerput

Peqqissutsimut naalakkersuisoq Siumumit Doris Jakobsen

Peqqinnissamik ilisimatusarnermut Peqqissutsimut Nunanillu Avannarlernik suleqateqarnermik Naalakkersuisoqarfimmit peqqinnissamut aningaasanik agguaassinissaq Peqqinnissamut Naalakkersuisup Doris Jakobsenip tallimanngormat akuersinera nittartakkami allaaserineqartareerpoq.

Peqqissutsimik siuarsaanernut pinaveersaartitsinermilu suliniutinut assigiinngitsunut 22-nut Inuuneritta Puljemit 188.000 koruunit agguaanneqartut Namminersorlutik Oqartussanit nalunaarutigineqarpoq.

Ukiaq manna 46-t qinnuteqarsimapput. Meeqqat, inuusuttut ilaqutariillu peqqissusaat inuunerullu pitsaassusaa pillugit suliniutit, kiisalu pujortartarnermik pinaveersaartitsinermik suliniut Kalaallillu Nunaani pujortartannginnermut tapersiisut, imigassamik ikiaroornartumillu pinaveersaartitsinerit ukioq manna isiginiarneqarput.

Immikkoortuni ukunani suliniutinut tapersiisoqarpoq:

  • Pujortartarnermik pinaveersaartitsineq pujortarunnaarniartarnerlu pillugu paasisitsiniutit
  • Timip aalatinneruneranik pinaveersaatitsineq
  • Suliniutit meeqqat inuusuttullu akissakinnerusut peqqinnarnerusumik inuuneqarnissaannik periarfissiisut.
  • Naamaarnermik pitsaaliuineq
Powered by Labrador CMS