Divap arnanngornissani aalajangerpaa

Kalaallit Nunaanni drag queenini ilisimaneqarnerpaaq, aamma piviusulersaarusiami soqutigineqarluartumi peqataasoq Nuka Bisgaard, arnanngornissani aalajangiusimavaa.

Tamanna Facebookimi quppernermini nalunaarutigaa.

- Suliaritinnissannut atatillugu nakorsamik oqaloqateqaqqammerpunga. Taamatut suliaritinneq sivisussaaq, aamma pisussaq qilanaaraara, Nuka Bisgaard allappoq.

Ueqalernissaq meeqqallu
Siunissami ilaqutartaarnissani takorloorpaa.

- Taamatut aalajangernera nuannaarutigeqaara. Siunissami ueqalerusuppunga, marlunnik meerartaarusuppunga qulingiluanillu qimmeqarusullunga.