Skip to main content

Ditte Sorknæs: - Anguniakkakka anguakka

Great Greenlandip pisortaata tunuartup ''aaqqiinissaq'' ulluinnarni ingerlatsinermit orniginartinneruaa.

Ditte Sorknæsip februaarimi 2016-imi Great Greenlandimi pisortanngorami erseqqissunik anguniagaqalerpoq. Maannalu naammassisimallugit misigisimavoq.

- Great Greenlandimi angorusussimasakka anguakka, taanna Sermitsiaq.AG-mut oqarpoq.

Suliffeqarfik ajornartorsiortoq taamani tiguaa. Ukiut amigartooqattaarfiusut naassaanngitsutut ipput. Maanna killormut saatissimalerpaa.

- Aningaasaqarneq tuniniaanerlut aqulluarneqalerpoq, EU-miillu meqqilerneqarnissaq ukiuni marlunni ilungersuutigisimasara angoqqammerparput.

Ilaqutariit akiliisut
Suliffeqarfimmik ulluinnarni ingerlatsineq nukittuffiginagu, Ditte Sorknæsip ammasumik oqaluttuaraa.

- Maanna ingerlatsinissamut killippugut. Tamannalu uanga ornigivallaanngilara. Aaqqiinernut pikkorinneruvunga, taanna nassuiaavoq.

Suliassallu aaqikkaangata, taava suliffik tassunga soqutiginarpallaarunnaartarpoq. Pisortaanertut atorfeqaraluarluniluunniit soqutiginarpallaanngilaq.

- Suliffik maanna ilaquttakka najornagit suliinnarnissannut soqutiginarpallaarunnaarpoq. Pisortatut sulineq ilaqutariinnut artornartarpoq.

Atuaruk: Great Greenlandimi pisortaq soraartoq

Suliffissamaateqanngitsoq
Anguniakkat anguneqarpata Great Greenlandimiikkunnaarnissani ilisimareersimallugu, Ditte Sorknæs oqaluttuarpoq. Kiisalu siulersuisunut aqutsisunullu ukiuni marlunni pingasuni sulinissani ammassutigisimallugu.

- Soraarniuteqarama tupaallaatigisorsuunngilaat. Sulisunnut tamanna allaagunarpoq.

Juulli sioqqullugu soraarniuteqarnerata kinguninngua sulisut ilisimatinneqarput. Marsip 31-ata tungaanut Ditte Sorknæs Great Greenlandimi pisortaanertut ingerlaannassaaq. Tamanna pissutigalugu suli suliffissarsiunngilaq.

- Siulersuisut soraarniuteqarnerma piffissaata sinnera sulitinniaraannga maluginiarpara. Taamaammat aatsaat maanna nutaamik ujartuinialerpunga.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER