Angallannermi isumaqatigiissut

Disko Linemut naammagittaalliorsinnaaneq ajornannginnerulissaaq

Attaveqatigiinnermut Naalakkersuisuungallartoq Mùte B. Egede Disko Line-lu ataatsimeeqatigiipput

Attaveqatigiinnermut Naalakkersuisuungallartoq Mùte B. Egede Disko Line ataatsimeeqatigivaa

Angalasut Disko Linellu akornanni attaveqatigiinneq pitsanngorsarniarlugu piffissaq qaninnerpaaq atorlugu maalaarnissamut periusissamik piareersaasoqassaaq. Angalasut angallassisullu akornanni attaveqaqatigiinneq Namminersorlutik Oqartussanut nalunaarusiani ingerlaavartuni ilanngunneqartalissaaq.

Naalakkersuisoqarfik tusagassiuutinut taama nalunaaruteqarpoq.

Atuaruk: Kiffartuussinissamut isumaqatigiissutit isumaqatigiissutaareersut atorunnaarsinneqarsinnaanngillat

Attaveqaqatigiinnermut Naalakkersuisoq Múte B. Egede Disko Linelu ataasinngormat ataatsimeeqatigiinnermi isumaqatigiissutigineqarpoq Disko Linep ilaasuminut paasissutissiisarnini pitsanngorsassagaa ingammillu umiarsuakkut angallannermi kinguaattoornerni paasissutissiisarneq pitsanngortissagaa.

Ataatsimiinnermi Disko Linep pisortaanit peqataaffigineqartumi, Múte B. Egede ilisimatinneqarpoq pingasunngornikkut Qeqertarsuarmiit Ilulissanut timmisartuussinermik ilasisoqassasoq.

Atuaruk: Isorinnittup kiffartuussinissamut isumaqatigiissutit akisussaaffigilera

- Naalakkersuisup pissusissamisoortutut isigaa angalasut avoqqaarinnittarsimanerat Disko Linemit tusarniarneqarsimammat iliuuseqarfigineqarlunilu.

- Disko Linemik ataatsimeeqatiginninneq naammagisimaarpara angalasunullu attaveqaqatigiinerup pitsanngornissaa piaartumik naatsorsuutigalugu. Múte Bourup Egede taama oqarpoq.

Atuaruk: Disko Line nalilersorpaat

Powered by Labrador CMS