servicekontrakter

Disko Linemi piareersartut

Danskinit pigineqartoq Disko Line kiffartuussinissamut isumaqatigiissutaateqalerpoq. Maannakkorpiaq Disko Linemi inu at aamma pisiniartarfinni appasinnerusuni sulisut piareersaru ulerput.

Disko Line, Najaaraq Ittuk

Nalunngeriikkatsitut Disko Linep kujataani kiffartuussinissamut isumaqatigiissut ajugaaffigaa.
Qeqertarsuup Tunuani angallassisarsinnarluni ingerlatseqatigiiffik maannakkut Qeqqani Kujataanilu sullisisussanngorpoq. Umiarsuaatit sulisullu eqqarsaatigalugit piareersartoqaruttulerpoq.
– Disko Line allissavarput. Umiartortut allaffimmiullu amerlanerit atorfinitsinneqassapput. Tamanna maannakkut suliaraarput. Bilitsinut inniminneeriaatsit nutaat aamma aallartinneqarput. Aamma pisiniartarfeeqqatsinnik atorfinitsitsinissat suliareruttulerpavut, taakku tassaapput Nuummi Martek, Maniitsumi Maniitsoq Tour Boat, Sisimiuni Sirius Greenland, Kujataani Blue Ice Explorer aamma Storch Lund. Tamakku saniatigut Kujataani pisiniartarfeerassatta pingajussaanik isumaqatiginninniaruttulerpugut, Jørgen Sølvsten Nielsen oqaluttuarpoq.

Qulimiguullit amerlanerit
Pisiniartarfeeqqami Air Greenlandimi qanoq pisoqarnissaa eqqqarsaatigalugu Jørgen Sølvsten Nielsen oqaaseqarumanngilaq, kisiannili Air Greenlandimut innersuussilluni.
– Air Greenland uatsinni pisiniartarfeeranngussaaq. Kisianni suut tigummiinnassanerai imaluunniit qanoq iliorniarnera pillugit aperisariaqarpatit, Jørgen Sølvsten Nielsen oqarpoq.
Tusagassiuutini Avannaani Kujataanilu qulimiguulimmik ataasiinnarmik inissiisoqassasoq tusallatsiarparput. Kisianni tamanna ilumuunngilaq, Jørgen Sølvsten Nielsen erseqqissaavoq.

– Neqeroorutigisatsinni Kujataani qulimiguullit aappaa avillugu immikkoortikkaluarpavut. Taanna tassaavoq Bell 212 aamma AS 350-ip ilaa. Avannaani maannakkutut ingerlatsissaagut, taamaattumik Bell 212 atorneqassaaq. Tamakku saniatigut pisariaqartitsineq matussuserniarlugu angallatsinik sisamanik nutaanik pisinikuuvugut, Jørgen Sølvsten Nielsen oqaluttuarpoq.

Ingerlatitsivik nuliariinnit pigineqarpoq
Jørgen Sølvsten Nielsenip nulianilu Susanne Lis Nielsen Diskoline pigivaat. Takornariarlerinermi ingerlatitsivik Topas Rejser suleqatigalugu 1982-mi aallartipput. Ullumikkullu Hotel Icefjord Ilulissaniittoq World of Greenlandimit 50%-mik piginneqataaffigalugu.

Powered by Labrador CMS