trafikområdet
Disko Line: Namminersorlutik Oqartussat talittarfiit akisussaaffigaat
Sapaatit akunnerani kingullermi allappugut Kujataani imaatigut angallanneq illersorneqarsinnaanngitsoq majugartarfiillu aputaajarneqarneq ajormata taloqarani annaassiniarnissamullu atortoqarani. Angallataatillilli suliassaq talittarfinnut oqartussaasunut ingerlateqqippaat
Sapaatip akunnerani kingullermi atorfilittat marluk AG-mi oqaaseqarput, qaammatip aallartinnerani Narsarsuarmi Disko Linep angallataanut ikilernerminni pissutsit illersorneqarsinnaanngitsut misillerfigereerlugit.
Aappaa tininngaqisumi majugartarfikkut sivingaqisukkut sermersimasukkut aputaajarneqarsimanngitsukkullu kiisalu tigummivissaqanngitsukkut ammukartariaqarsimavoq. Tassaniippoq ilaasussat allat aqqaneq marluk peqatigalugit, ilaatigut meeqqat. Aappaa ulissimasumi aallarpoq majuartarfikkut nivingasukkut palletsi qulaallugu 50-60 centimeterinik qummukartariaqarluni.
- Inuit meerartallit inuillu uattut utoqqasaat takorluuinnarneqarsinnaapput. Qummut ikiniarneq ajornakusoortipparput. Nakkassagaannilu sisak quasaqisoq tuffissaalluni, atorfilittaq Disko Linep inuttaannit ikiuisoqarneranik takusaqarsinnaanngitsoq oqarpoq.
Atuaruk: Kommunimi politikerit Disko Line isornartorsioraat
Namminersorlutik Oqartussat akisussaaffiat
Maannali Disko Line akissuteqarpoq. Siulersuisuni siulittaasoq piginnittorlu Jørgen Sølvsten Nielsen naapertorlugu angallataatillit tassaanngillat tulaffissani atortunik qulakkeerisussaq imaluunniit puttasulianik majugartarfinnillu aputaajaasussaq.
Namminersorlutik Oqartussat pisussaapput.
- Angallataatitsinni niuffimmilu susoqarnersoq uagut akisussaaffigaarput. Nunami pisut kommunip Nammersorlutillu Oqartussat akisussaaffigaat. Inuttatsinnulli oqaaqqissaarutigisarparput pitsorluttoqarmat ikiuisaqqullugit ilami sutigut tamatigut, Jørgen Sølvsten Nielsen oqarpoq.
Atuaruk: Kanukoka: Angallannermi malunnartumik ajornerulersitsisoqarpoq
Ilissi majuartarfissinnut imaluunniit aqqutaa tamaat?
- Talittarfiup qaanut aamma ikiortarpavut. Taakkuli isumannaatsuunissaat pitsaasuunissaallu uagut akisussaaffiginngilarput. Isumaqarpunga tamatumani peqqutaasut ilagigaat kujataani angallammik angalaneq sungiusimaneqanngimmat, ukiorpassuarnimi Qeqertarsuuup tunuami tamanna ingerlanneqarsimalluni, angallatinik piginnitoq oqarpoq.
Atuaruk: Disko Line nakkutigineqartorujussuuvoq
Allaaserisaq tamaat AG-mi sapaatip akunnerani saqqummertumi atuaruk. Aviisi uani pisiarisinnaavat: