Disko Line kujataani ilungersunartorsiortoq
Disko Line Kujataani sikoqarnerani ajornartorsiorpoq, angallallu Targa Aviaq Ittummik taarsertariaqarsimavaat.
Kujataani aikoqarnera pissutigalugu immikkut ajornartorsiortoqartoqm Disko Line tusagassiuutinut nalunaarummi ilisimatitsivoq.
Sikukkut angalasinnaannginneq pissutigalugu Aviaq Ittuk ippassaq utertinneqartariaqarsimasoq, Disko Line ilisimatitsivoq.
- Tamatuma kinguneranik taama sikoqartillugu Narsarsuarmut angalasinnaanngilagut. Ajoraluartumillu ilaasorpassuatsinnut allannguisoqarnissaanik kinguneqarpoq, Disko Linep pisortaa Noëlle Simoud ilisimatitsivoq.
Annonse
Iliuuserisat
- Sapinngisarput tamaat ilaasut apuutsinniarsaraagut, kisianni anori, sila aamma siku killeqartitsipput
- Maannakkorpiaq qulimiguulimmik saniatigut angallassinissaq periarfissaanngilaq (tamanna Air Greenlandimut piumaneqaraluarpoq), taamaattorli timmisartuussinissaq sivitsorparput, taamaalilluta ilaasut ilaat apuuffissaminnut apuussinnaaniassagatsigit
- Angallatinut/umiarsuarnut bilitsit tuniniarneqarnerat unitsikkallarneqarput, sikuernissaata tungaanut
- Sikoqarnera amerlasuut angalanerannut allannguisinnaavoq, aamma Narsarsuup Narsaq/Qaqortup akornanni ilaasunut angallammik angalanngikkaluanut, qulimiguulimmik Narsarsuup sinerissallu akornanni angalasut salliutinneqartariaqarmata. Tamanna qulimiguulimmit angallammut killormulluunniit nuuttoqarneranik kinguneqartarsinnaavoq. Aqqutaanilu aamma unnuisoqartarsinnaalluni.
- Ilaasut Nunatsinni najugaqarnermut uppernarsaatillit Narsarsuarmi, Narsami, Qaqortumi imaluunniit Nanortalimmeersut nerisaqarnissaminnut unnuinissaminnut periarfissaqarput, imaluunniit ullormut aningaasanik pisartagaqarsinnaallutik, kiisalu Narsarsuarmut tikinnerup kingorna Mittarfeqarfinnut saaffiginnillutik Air Greenlandimit imaluunnit Air Icelandimit nutaamik bilitsinnassinnaapput, nangipporlu:
- Bilitsit angalasoqarsinnaannginnerani nutaat Kalaallit Nunaannit avammut angalaffissamut siullermut atuupput. Air Greenlandimit imaluunniit Air Icelandimit bilitsit nutaat aatsaat Narsarsuarmut tikinnermi Mittarfeqarfinnit inniminnerneqarsinnaapput – taakku Narsarsuarmut tikinnginnermi suliarineqarsinnaanngillat.