Tunup sineriaani
Dinosaurinik ilisimatuut Nunatsinneeqqittut
Sisamavillip qanga uumasuusimasup assanneqarsimasup niaquata saarnga nassaariartorlugut assaasartut Tunup sineriaanut uteqqipput
Ilisimatuut Danmarkimeersut 2012-mi dinosaurusip phytosaurip saaniinik ujarannguussimasunik Ittoqqortoormiit avannaani Calsbergip kangerluani nassaarput.
Maannakkullu nassaaqqikkumallutik uterniarput.
- Ajoraluartumik uumasut phytosaurit ilaqutariinni sorliunersoq paasinissaanut nassaarineqartut naammassimanngillat, Geomuseum Faxemeersoq Jyllands-Postenimut, ph.d. Jesper Milán oqarpoq.
Jyllands-Postenimi atuaruk: Sensationelt fund af uddøde rovdyr i Grønland
Uteqqittariaqartut
- Uumasumit saarnit kukkusut tigusimagigut oqaatigineqarsinnaavoq. Piffissami tassani phytosaurit artit arlaqaramik, niaquisalu saaniissugut assigiinngissusaat takuneqarsinnaasarpoq, sisamavilinnik ilisimasalik Tunumut billetsimik piseqqammersoq oqarpoq.
Saarngit Carlsbergip kangerluaneersut ukiunik 220 millioninik pisoqaassuseqarput, nunarsuamilu dinosurusit siullersaat ilagivaat.
Aamma takukkit:
Tunumi saarngit ukiunik 210 millioninik pisoqaassusillit nassaarineqarput