DHL Tele-Post Stafettip inissat tamakkernerarpai

DHL Tele-Post Stafettip tamaasa aammaarluni ukioq manna qaangerpai, ingerlatsivik Namminersorlutik Oqartussanit pigineqartoq ilisimatitsivoq.

Arpattartut 1.100-t
Nalunaarfissaq kingulleq ullunik qulingiluanik sioqqullugu nunatsinni stafetternermi annerpaami inissat tamakkerneqarput. Tassalu arpaqatigiittussanut 220-nut agguataarsimallutik arpattussat 1.100-t maannakkorpiaq nalunaarsimapput.

- Siorna arpaqatigiit 217-it peqataapput. Taamani inuit Inussivimmiissinnaasut amerlanerpaaffissaat qanittuararsuuarput. Taamaattumik ukioq manna arpaqatigiittussatut peqataasinnaasut amerlassusissaat killiliiffigaarput, stafettimut ataqatigiissaarisoq Charlotte Mølgaard Hansen oqarpoq.

Isiginnaartunut sammisassat
Stafetti Inussivimmi aallartinneqassaaq ulloq 2. juni nal. 17. Arpannerup nalaani isiginnaartut nipilersortunik tusarnaarsinnaapput, meeqqallu pissittaarfissuarmi pinnguarsinnaallutik.

Atuaruk: Nuummi stafetertoqarnerani angusat