illersornissaq
DF-p kalaallit savalimmiormiullu sakkutuujusalersikkusuppai
Naalakkersuisut Issittumut periusissatut saqqummiussaat pitsaalluinnarpoq, DF isumaqarpoq. Sakkutuujusussaanerli ilaasariaqaraluarpoq
Qallunaat angutit inuusuttut assigalugit kalaallit savalimmiormiullu Illersornissaqarfiup Ulluanut - qanga sakkutuussarsiorfittut taaneqartartumut - takkunnissaminnut pisussaaffeqanngillat.
Tassami Kalaallit Nunaanni Savalimmiunilu sakkutuujusussaaneq atugaanngilaq, tamannali allanngortinneqassaaq, Dansk Folkeparti isumaqarpoq, taamaattumillu siunnersuut ukiunik arlalinnik pisoqaassusilik saqqummiunniarpaa, aasaanerani sulinngiffeqarnerup kingorna Issittumut periusissaq nutaaq isumaqatigiinniutigineqalerpat.
Naalakkersuisut periusissamut tassunga misissuineq inassuteqaatillu arlallit ataasinngormat saqqummiuppaat, illersornissamullu oqaaseqartartup Marie Krarupip (DF) saqqummiussami anguniakkat pingaarnerit isumaqatigai.
– Taamaasiornikkut kalaallit savalimmiormiullu amerlanerusut illersornissakkut ilinniagaqassapput. Ilaallu immaqa Illersornissaqarfimmi ingerlaqqittassallutik, taamaasillunilu pingaartumik sakkutuunut imarsiortunut, issittumi suliassarpassuarnik isumagisassalinnut, pissarsissutaalluassallutik, taanna oqarpoq.
Marie Krarupip ilanngullugu erseqqissarpaa Kalaallit Nunaanni hjemmeværnitut ittumik kajumissutsiminnik upalungaarsimasunik pilersitsinissamik pilersaarummi, inuit tsakkutuutut misilittagallit atorfissaqartinneqarluassasut.
/ritzau/