Skip to main content

DF-imit: IA aamma Siumut Naalakkersuisooqatigiilernissaat neriuutigaara

Inuit Ataqatigiit aamma Siumut Naalakkersuisooqatigiilertariaqartut Søren Espersen isumaqarpoq

Lars Løkke Rasmussenip Kalaallit Nunaannik isumaqatigiissuteqarnera pillugu Søren Espersen isummersoqquneqarami ima oqaaseqarpoq:

- Uannit isigalugu pissutsit pingaarutillit marluk pissutigalugit ministeriuneq Lars Løkke Rasmussen mittarfinnik suliniummut qallunaat aningaasaliinissaannik aalajangeqqammersimavoq, Søren Espersen Sermitsiamut oqarpoq.

Akaareqatigiinneq

- Siullermik isumaqarpunga tamanna takussutissaasoq Kalaallit Nunaata Danmarkillu akornanni ilumoortumik akaareqatigiinneq pilerseqqinniarlugu taamaasiortoq. Kalaallit inuiaqatigiit ilaasa Danmarkimik uumissuillutik oqaaseqartarnerannik malinnaalluni erloqinartarsimaqaaq. Imminut imatut aperisimavunga. Danmarkiuna qanoq ajortuliorsimasoq? Tamanna uannit takujuminaallunilu paasiuminaappoq. Kalaallit Nunaat namminiilivikkusukkuni taamaasiuinnannguarli. Inunnik taasisitsisinnaapput, taavalu tamanna aalajangerneqassaaq.

- Taamaasioratilli pisuusaaginnarput kalaallit tamavimmik Danmarkimik uumissuisuusut. Nalunngilarali taamaattoqanngitsoq. Takusimavara kalaalerpassuit Partii Naleqqamit allanillu sallunaveeqqutitut atorneqartut. Unneqqarissumilli siumut ingerlaniarniarta. Kalaallit Nunaat namminiilivikkusukkuni namminiilivinniarli. Tamannali pitinnagu iluamik suleqatigiikkallarniarta. 

Naalakkersuisooqatigiinneq

- Lars Løkke Rasmussenip mittarfinnut akulerunneranut pingaarutilik alla tassaavoq Kina. Qularutissaanngilaq Kalaallit Nunaanni attaveqaatinut kiinamiut akulerunnissaat piumaneqanngitsoq. Upperinartippara Inuit Ataqatigiit Siumullu naalakkersuisoqatigiinnik pilersitsissasut. 

- Mittarfinnik suliniutit imminut akilersinnaanngillat. Taamaallaallu Kina Danmarkilu mittarfinnut pitsaasunik atugassaqartitsilluni aningaasaliinissaminnut soqutiginnipput. Pissutsit imaapput, qaammatit tallimat matuma siornatigut suleqatigiissitaliortoqarmat, qallunaat ministeriunerata itisuumik akuleruffigisimasaanik. 

- Maanna suleqatigiissitaliaq isumaqatigiissutissamut siunnersuusiorsimavoq, taannalu malillugu Kalaallit Nunaata mittarfiit illersorsinnaasumik aningaasaliiffigisinnaavai. Eqqumiigeqaara kalaallit ilaat qisuariarmata akerliussutsimik takutitsillutik oqaasinnaalersorlutillu, Søren Espersen oqarpoq.

Allaaserineqartoq aviisimi Sermitsiami atuarneqarsinnaavoq, tassani Folketingimi ilaasortat allat isummersuutaat aamma atuarneqarsinnaapput. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER