Demokraatit qinersisuusaartitsinermi ajugaasut

Ilisimatusartut kattuffiat ’ILI ILI’ Ilimmarfimmi sisamanngornermi qineqqusaartitsivoq, qineqqusaartitsinermi ilinniartut atugarisaat qulequtarineqarput.

- Isumaqarpugut ilinniartut atugarisaat piviusut politiikerinit tusarneqarnissaat pingaaruteqartoq. Taamaattumik qineqqusaartitserusulluta aalajangersimavugut, neriuppugullu poliitikerit naalakkersuisuutitaqalerpata qanimut suleqatigilluarumaarlugit.

Taama Ilisimatusartut kattuffiat ’ILI ILI’ tusarniaanernut peqataatinneqartarnissaq politikkikkullu eqqummaarinnerunissaq siunertaralugu piffissami qaangiuttumi kattuffinngoqqammersoq allappoq.

Qineqqusaartitsinermi ilinniartut ataasiakkaat apeqqutinik piareersaatigisimasaminnik apeqquteqartarput.

Qinersisuusaartitsinermi Demokraatit ajugaarujussuarpoq, partiimmi qinersisut pingajorarterutaat sinnerlugit taasisorimmatigit.

Tulliullutik Inuit Ataqatigiit taaneqarnerpaapput, taakkua qinersisut pingajorarterutigajaat taasisorigamikkit, naak siorna qinersisuusaartitsitsinermut sanilliullugu taaneqarnikinnerungaluarlutik.

Ilimmarfimmi taasisut aggulunneri:

• Ilinniartut: 61
• Sulisut: 20
• Allat: 30
• Katillugit: 111

Qinersisitsisuusaarnerup inerneri tamakkiisut:
Demokraatit: 43
Inuit Ataqatigiit: 35
Siumut: 16
Partii Naleraq: 7
Nalornisut: 6
Atassut: 4
Partii Inuit: 0

Ilinniartut qinersinerisa inerneri:
Demokraatit: 33
Inuit Ataqatigiit: 16
Siumut: 6
Nalornisut: 5
Partii Naleraq: 1
Partii Inuit: 0
Atassut: 0

Sulisut qinersinerisa inerneri:
Inuit Ataqatigiit: 16
Siumut: 2
Partii Naleraq: 2
Atassut:0
Partii Inuit: 0
Demokraatit: 0
Nalornisut: 0

Qinersisut ‘allat’ qinersinerisa inerneri:
Demokraatit: 10
Siumut: 8
Atassut: 4
Partii Naleraq: 4
Inuit Ataqatigiit: 3
Nalornisut: 1
Partii Inuit: 0