pilersaarusiaq

Demokraatit: Nunaqarfiit siunissaat pilersaarusiortariaqarparput

Randi Vestergaard Evaldsenip maluginiaqquaa nunaqarfiit matunissaannik pilersaaruteqarsimanngisaannarlutik tulleriiaarisoqarnissaali kissaatigalugu

Randi Vestergaard Evaldsen (D) tulleriiaarisoqarnissaa pingaartuusoq isumaqarpoq

Demokraatit siulittaasuat Randi Vestergaard Evaldsen aamma aningaasaqarnermut aatsitassanullu Naalakkersuisuusoq Namminersorlutik Oqartussat illorsuani aappalaartumi allaffimminiippoq qarasaasiaminilu allalluni.

Nutsani qaamasut takkajaat qilertilersimavai.

- Ingiinnarit, unaana maili nassiutilaaqqaarniariga, oqarpoq.

Nunaqarfiit matuniarnerinut pisuutitsinerit
Ippassaammagu nunatsinnit tamarmit partiianut pasilliinerit imaaginnavipput tassalu nunaqarfinnik akilersinnaasumik ingerlanngitsunik matusiniarnissamik tamatigut politikkeqarsimaneragaalluni. Tamatumani peqqutaavoq 'Tulleriiaarineq pisariaqartoq, Nuna tamakkerlugu pilersaarusiamut nassuiaat 2016' nassuiaat.

Atuaruk: Nuna tamakkerlugu pilersaarusiaq taamaatiinnarneqarpoq

Tulleriaarineq pisariaqartoq
Randi Vestergaard Evaldsenilli nassuiaat saqqummiutinngisaannarpaa naak nalaakkersuisoqarfiata akisussaaffigigaluaraa.

Nalaakkersuisoqarfiummi saqqummiunneqannginnerani oqaluuserisassanit peerpaa. Pisortatigoortumik tunngavilersuutigineqarpoq qallunaatuuata kalaallisoortaatalu akornanni assigiinngittoqarnera.

- Aappaagumut nalunaarusiassaq piareersalereerparput, oqapallappoq.

Atuaruk: IA-p nunaqarfiit attatiinnarusuppai

Taamaattorli isumaqarpoq nassuiaat pingaartuusoq naak nuannarineqanngikkaluarluni tunuartinneqaraluartoq.

- Siunissarput takutippaa siulittuutigalugulu nunaqarfinni najugaqarfinnilu mikinerni innuttaasut anginernut nuukkusuttut. Isumaqarpunga tamanna eqqartussallugu pingaartuusoq siunissamut pilersaarusiorsinnaaqqulluta, oqarpoq.

Nalunaarusiamut eqqarsaataasut Sermitsiami atuakkit:

Powered by Labrador CMS