Kommunini naligiissaarineq
Demokraatit Inuusuttaat: Oqallinneq siammasinnerusariaqarpoq
Aningaasaqarnermut naalakkersuisumut isornartorsiuisoqaqqippoq. Demokraatit Inuusuttaat isornartorsiuipput
Demokraatit Inuusuttaasa aningaasaqarnermut nunamullu namminermut naalakkersuisoq Vittus Qujaukitsoq Siumut naligiissaarneq pillugu oqallinnermi isornartorsiorpaat.
- Naligiissaarineq pillugu oqallinneq siammasinnerusumik ingerlanneqartariaqarpoq. Nuummi innuttaasut inuiaqatigiinnut akiliutigisartagaat sammineqanngillat, Demokraatit Inuusuttaasa siulittaasuat Randi Vestergaard Evaldsen siulittaasullu tullia Rasmus Dalsgaard Andersen tusagassiutinut nalunaaruteqarput.
Taperseeqatigiissitsisarnerit
- Assersuutigalugu Nuummi akit illoqarfinnit allanit akisunerusarput. Innaallagiaq soorlu akikinnerusarluni. Tamanna naligiissaarineq pillugu oqallinnermi Vittus Qujaukitsumit pulaffigineqanngilaq, tamannalu ernumanartoqarpoq, Demokraatit Inuusuttaat oqarput.
- Kommuneqarfik Sermersooq nalilersuinermut peqataasimannginnera Vittus Qujaukitsumit oqaatigineqartoq aamma ernumanartoqartipparput. Tamannami eqqortuunngilaq, naligiissaarinermummi Sermersooq 106 million koruuninik ukiut tamaasa akiliuteqartarpoq, tamannalu taperseeqatigiissitsisarnernut tunngassuteqarpoq, Demokraatit Inuusuttaat oqarput. Asii Chemnitz Narupillu naalakkersuisumut isornartorsiuineranut tapersiillutik.
Naligiissaarinermut siunnersuut aggustip aqqarnganni atortussanngortinneqassaaq.