Demokraatit aninerup kingorna: Suna tamaat akuersaarsinnaanngilarput

- Naalakkersuisut Demokraatinit akuuffigineqanngitsoq. Arlalitsigut Siumut Atassullu suleqatigineri ajunngitsortaqarsimavoq, kisiannili isertuussassaanngilaq aaqqiagiinngiffeqartarsimavugut, taakkulu aaqqiagiinngissutit kingullertigut annertusisimallutik.

Demokraatit siulittaasuata, Randi Vestergaard Evaldsenip, partiip Atassutullu naalakkersuisoqartigiinnit peqataajunnaarnermi kingorna, tusagassiuutinut nalunaarummi tamanna naqissuserpaa.

Atuaruk: Siumut IA aamma Partii Naleraq naalakkersuisoqatigiilerput

Siumut, Inuit Ataqatigiit aamma Partii Naleraq maanna naalakkersuisoqatigiilerput.

Atuaruk: Naalakkersuisunut ilaasortat nutaat aajuku

Isumaqatigiissutit malinneqanngitsut
Maanna illuatungiliuttunngortut naalakkersuisoqatigisimasatik marluk isumaqatigiissutinik eqquutsitsinnginnerarpaat.

- Isumaqatigiissutit malinneqanngitsut uatsinnut atorsinnaanngillat. Naalakkersuisoqatigiinnermi ilaagutta naatsorsuutigivarput, partiit naalakkersuisoqatigiinnermi tunuliaqutaasut naalakkersuisuutitatik ikorfartussagaat. Demokraatilli naalakkersuisuutitaat Atassummit Siumumillu taperserneqanngippallaarsimapput. Soorlu Nivi Olsen aangajaarniutinut tunngasoq ilinniartitaanermut eqqunniagaa tassani eqqaaneqarsinnaasoq, Randi Vestergaard Evaldsen oqarpoq.

Atuaruk: Hashimik atuinermut misissuisarnissaq naalakkersuisoqatigiinni avissaartuussutaasoq

Inatsisartut illorsuassaat
Tamatuma saniatigut Inatsisartut illorsuassaannik sanaartorniartoq Demokraatit akuersaanngilluinnarpaat, tassani ukiut 30-t ingerlanerini Namminersorlutik Oqartussat 300 millionit koruuninik aningaasartuuteqartoqarnissaa naatsorsuutaavoq. Tassunga Siumut akuersaarpoq, partiillu naalakkersuisoqataasimasut akerliullutik.

- Tamakku pingaarnersiuinermut ilaatillugit naalakkersuisooqatigiinnermut ilaasinnaanngilagut, Randi Vestergaard Evaldsen naqissusiivoq.

Aalisarneq pillugu isumaqatigiinneq
Demokraatit siulittaasuata illuanik aalisarneq pillugu isumaqatigiissut qanittukkut pilersinneqartoq akuersaarpaa. Partiit naalakkersuisoqatigiit akornanni isumaqatigiissutip kinguneraa, saarullinnik pisassiissutit annertusineqarnerat, appanniarnermullu sukaterisoqarluni, kiisalu qaleralinnut pisassiissuteqarfiunngitsut peernissaat isumaqatigiissutaavoq.

Partiip aamma 2017-imut aningaasanut inatsimmut siunnersuutitik maanna isumaqatiginninniutaasup ingerlanera tulluusimaarutigaa.

Siunnersuut aningaasaqarnikkut akisussaasumk ingerlatsisussatut nalilerpaa. Illuanik Grønlandsbankeni siunnersuutinik pitsaanerusunik ujartuinikuuvoq.