biilernermut allagartaq
Demokraatit 17-inik ukiullit biilernermut allagartartaartikkusuppaat
17-inik ukiullik biilinik ingerlatsilersinnaanissaannut danskit misiliutitut aaqqiissutaat ilannguffigalugu, Inatsisartunut ilaasortat aaqqiissuteqarusupput
Nunatsinni 17-inik ukiullit immaqa biilinik ingerlatsisinnaalissapput.
Demokraatit taammaattoqarnissaanik isumaqarput.
Atuaruk: Sapaatip akunnerani sukkalisaarpallaat 29-t politiit unitsippaat
Inatsisartunut ilaasortap Demokraatineersup Randi Vestergaard Evaldsenip § 37 naapertorlugu Naalakkersuisunut apeqquteqarnermini, Naalakkersuisut danskit naalagaaffiannut 17-nik ukiulinnut biilernermut allagartamik misiliutigalugu tunniussisarnissaq pillugu nalunaarummut ilanngunnissaq siunertaralugu saaffiginninniarnersut apeqquteqarpoq.
Misiliutitut aaqqiissut ukiumit nutaami atuutilersoq
Januaarip aallaqqaataanili Danmarkimi 17-inik ukiullik misiliutitut aaqqiissuteqarnikkut biilinik ingerlatsisinnaatitaalerput. Ukiorpassuarni 18-inik ukiulinnut killeqartitsisoqaraluarpoq.
Atuaruk: Nuummi biilertunut akiligassiinerit 36-t
Illuanik 17-inik ukiulinnut inatsisinik atuuttunik malittarisassaqarpoq. Taakku 30-it sinnerlugit ukiulimmik aamma minnerpaamik ukiuni qulini biilernermut allagartaqarsimasumik ilaqarlutik biilinik ingerlatsisinnaapput.
Angallannermi isumannaannerusut
Misiliutitut aaqqiissuteqarnikkut inuusuttut biilertartut angallannermi isumannaannerulernissaat siunertaavoq, taamaaliornikkut 18-iliitinnatik biilinik ingerlatsinermut ukiumi ataatsimi misilittagaqariissagamik.
Atuaruk: Qimussersinnaanermut allagartaq
Naalakkersuisut danskit naalagaaffiannut misiliutitut aaqqiissut pillugu saaffiginninniarnerlutik apeqqummut akinissaminnut ullunik qulinik maanna periarfissaqarput.