Decembarip 23-ni 30-nilu imerniartarfiit matujaarnissaat Sulisitsisut akerleraat

Imerniartarfiit aqagu decembarillu 30-nni unnuaqeqqanut matussapput. Peqqissutsimut Naalakkersuisoqarfik decembarip 13-ni taama nalunaaruteqarpoq.

Tamanna pissaaq naak ullut taakku arfininngornerusussaangaluartut taamaammallu naliginnaasumik nalunaaqutaq 3.00-p tungaanut ammasinnaangaluarlutik.

Det sker selvom begge dage er lørdag og værtshusene derfor normalt har lov til at holde åbent til klokken 3.

Sulisitsisut inatsimmik tunngavissaqannginneraasut

Ukioq kingulleq decembarip 23-ni tallimanngornermi matoqqatinneqassasoq aalajangerneqarpoq. Ukiormannalu decembarip 30-at aamma atuutsinneqasssaaq. Sulisitsisut Naalakkersuisoqarfimmut matoqqatitsinissaq pillugu mailikkut akerlilerpaat, taamatummi aalajangerneq inatsisitigut periarfissaannginnerarpaat.

Inatsimmi atuuttumi allassimavoq:

- Tallimanngornerni arfininngornernilu kiisalu ukiutoqqami, unnunni Sisamanngornerup Illernartup, Tussiarfissuup aamma Qilaliarfiup siuliini imigassanik aalakoornartortalinnik kimittuunik kimikitsunillu sassaallerneq nal. 3.00-p tungaanut pisinnaavoq.

Juullimilu imigassamik sassaallersinnaaneq inerteqqutaavoq. Kunngit pingasut ulluanni, Tallimanngornermi Tannaartumi, Poorskimi, Piinsimi, Kalaallit Inuiattut Ulluanni Ukiortaamilu sassaallerneq taamaallaat nal. 18.00-imit pisinnaavoq. Juulliaqqami sassaallerneq taamaallaat nal. 18.00-ip 21.00-illu akornanni pisinnaavoq.

Sulisitsisuni siunnersorti Lars Krogsgaard-Jensenip Naalakkersuisoqarfimmut mailimi erseqqissaatigaa, taamatut inerteqquteqarnermi imerniartarfiit decembarip 23-ni 23-anilu matujaarnissaannik periarfissiisoqarsimanngitsoq.

Nalunaaquttap unnuaqeqqarnerani

Naalakkersuisoqarfik akissuteqarluni allappoq:

- Naalakkersuisoqarfiup ukioq kingullermisuulli inatsisitigut naliliinini attatiinnarpaa, tassa 24.12.2017-imi sassaallerneq taamaallaat nal. 18.00-ip 21.00-illu akornanni pisinnaasoq.

Nalunaaqutaq unnuaqeqqartussaammat ullorlu 24 decembarinngortussaalluni, imerniartarfiit nalunaaqutaq unnuaqeqqanut matuneqassapput, taakku taamatut inatsimmik nassuiaateqarput.

Taarsiiffigeqquneq

Lars Krogsgaard-Jensenilu isumaqarpoq, inatsit kukkusumik nassuiarneqartoq.

- Imigassamut inatsimmi ilaanngilaq – inatsimmiluunniit oqaasertaliunneqarsimanani – naalakkersuisoqarfiullu ukioq kingulleq ukiormannalu nalunaarutaanni decembarip 23-ani 30-anilu ammaffissatut maleruaqqusanik nassuiaatini ilaanani, taanna akeqqippoq.

Taamatut inatsimmik nassuiaanermi suliffeqarfiit annaasaqassasut, taanna nangilluni allappoq.

- Suliffeqarfiit eqqugaasut Naalakkersuisunik eqqartuussivilersuussinnginnissaat qulakkeerlugu oqaatigisinnaanngilara, taanna nangilluni allappoq.