kisitsisit

Decembarimi suliffissarsiortut ikinnerusut

Ukiup nutaap aallartinnerani inuit suliffissarsiortut taamaallaat 2.606-iupput, taakkulu ukiup siuliani qaammammi tassannga 551-nik ikinnerupput.

Aalisakkerivinni ulapittoraqarnera suliffissarsiortut 2017-imi decembarimi ikinnerunerannik pissuteqarsinnaavoq.

Naatsorsueqqissaartarfiup decembarimi 2017-imi suliffissarsiortut nalunaarsorneqarsimasut amerlassusaat saqqummiuteqqammerpai, taanna nunap aningaasarsiornikkut ingerlalluarneranik aamma sulisoqarluarnermik takutitsivoq.

Suliffissaaleqineq
Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu.

Ingammik ukioqatigiiaat marluk kommunimut nalunaarsorneqariartortariaqartarput. Tassa 20-nit 24-inut ukiullit aamma 50-nit 54-nut ukiullit, tassani 380-it aamma 366-it suliffissarsiortutut nalunaarsorneqarsimapput.

Uani ingerlalluarpallaartoqanngilaq
Kommunimi ataatsimi sulisussarsiortut ikileriarsimanngillat. Qeqqata Kommuniani decembarimi 2017-imi suliffissarsiortut 487-t nalunaarsorneqarsimapput, tamannalu ukiumi siuliani qaammammi tassani arfinilinnik amerlanerupput.

Powered by Labrador CMS