Inatsisartut
Debora Kleistip Naaja Nathanielsen taarserpaa
Inuit Ataqatigiit uani ataatsimiinnermi aamma nutaanik marlunnik Inatsisartunut ilaasortaatitaqalerpoq
Attaviitsup Naaja Nathanielseni tamaatinnerata kingorna, partii illuatungiliuttoq Inuit Ataqatigiit Inatsisartumik nutaamik ilaasortaqalissaaq.
Atuaruk: Naaja Nathanielsenip IA qimappaa
Debora Kleist
Sinniisoq aggersarneqartoq tassaavoq Debora Kleist, Tippu, siornatigut taanna Inatsisartunut ilaasortaasimavoq, IA ilisimatitsivoq.
Debora Nanortalimmiuuvoq massakkut Qaqortumi najugalik, taassuma politikkikkut immikkut isumaginninneq, ilinniartitaanerlu soqutigisarivai.
Kelly Berthelsen
Taassuma saniatigut Hans Aronsen sulinngiffeqarpoq. Tamatumalu kinguneraa, Kelly Berthelsen, Kullak, taassuma issiavianut inissinnera.
Kelly Ammassivimmiuuvoq Qaqortormi najugalik, atuakkiortuuvoq immikkullu politikkikkut soqutigisaqarfigalugit aatsitassarsiorneq aamma imigassamut tunngasut. Sunngiffimminilu guitarerluni erinarsoqattaarluni aliikkusersuiuarnera inuit ilisimalluarpaat.
Ilaasortani siulittaasoq
Tamatuma saniatigut partiip ilaasortaanni siulittaasoq taarserpaa. Peter P. Olsen qinigaaffiup affaa atuutereerluni pilersaarut malillugu suliaq allamut ingerlarteqqimmagu. Taanna Mimi Karlsenimit taarserneqarpoq, taanna ukiorpassuarni ilaasortaavoq.