Friday, August 11, 2017 - 08:26

DBU sungiusaasumik soraarsitsineq pillugu ataatsimiittoq

Danskit arsartartut kattuffiata, Dansk Boldspil Unionip, siulittaasuata Jesper Møllerip Qeqertarsuarmi nunatsinni pissartanngorniuunnermi bronzennanniunneq pissartanngorniutivinnerlu aqagu arfininn­gornermi isiginnaassavaa.

Tassungalu ilutigitillugu nunatsinni arsar­tartut kattuffiata siulersuisui ukunannga inuttalik, Gert Fleischer, Jens Mølgaard, Oluf Olrik, Allan Eriken, Kent Kielsen aamma Nukannguaq Zeeb, ataatsimeeqatigissallu­git. 

Pisoq DBU-mit qanimut malinnaavigineqarpoq.

Sermitsiaq aviisi allappoq.

Nunanut allanut unammisartunut sungiu­saasup soraarsitaanera assortuussutaasoq pillugu Jesper Møller paasitinneqassaaq. 

Soraarsitsineq – DBU­p Arsartartut Kat­tuffiatalu suleqatigiinnerannut kinguneqar­tinneqassanersoq Jens Møllerip Arsartartut Kattuffiata siulersuisuinik ataatsimeeqate­qarnissani sioqqullugu oqaaseqarfiginiann­gilaa. 

DBU­lli ammip qalipaataa pillugu immik­koortitsisarnermut akerliusuugami pisoq qanimut malinnaaffigaa. 

Kalaallit Nunaanni arsaattarnerup ineriar­tortinnissaanut suleqatigiinnermut isuma­qatigiissut annertooq Jesper Møllerip Arsartartullu Kattuffiannut siulittaasuusimasup, John Thorsenip, 2015­imi atsiorpaat. 

1,5 million koruuninik isumaqatigiissut

Isumaqatigiissut arsaattarfiit ivigaasallit amerlisarnissaannut kiisalu peqqissutsip, to­rersumik pissuseqarnissap siuarsarnissaanut atuarfimmilu arsartarnermik pilersitsiner­mut atugassanik ukiumut millionit aappaa avillugu koruuninik aningaasartaqarpoq. 

Allaaserisaq Sermitsiami tamakkerlugu atuaruk, taanna uani pisiarisinnaavat:

Seneste nyheder / Nutaarsiassat kingulliit