silatuallaannginneq
Danskit silassorissusaat 1990-ikkunni qaffasinnerpaaffimminiippoq
Nunat Avannarliit ukiorpassuarni silassorissusaat qaffasissinnarluni ineriartornera 1990-ikkunni mumippoq, silassorissuseq kingorna appariartulerpoq.
Skandinaviami silassorissuseq ukiorpassuarni qaffakkiartormi - aamma Danmarkimi.
Kisianni 1990-ikkut qeqqani naajartornerannilu ineriartorneq mumippoq, danskillu IQ-at ukiuni tulliuttuni amerlasuuni appariartussasoq oqaatigineqarpoq.
Ilisimatuussutsikkut misissuinerup allaaserineqarnerani nutaami professor James Flynnip, silassorissuseq pillugu ilisimatuut siuttuisa ilaat, aamma professor Michael Shayer allaaserinnipput.
Silassorissutsip ineriartornera ukiorpassuarni Skandinaviami, USA-mi nunanilu allani misissorsimavaat.
Ilisimatuussutsikkut misissuinerup allaaserineqarnera atuagassiami Intelligencemi januarimi-februaarimi ukiormanna saqqummertumi saqqummiunneqarpoq.
- 1900-kkunni IQ-p qaffakkiartorsimanera appariartulerpoq. Ukiuni 30-ini siumut ulluliigaanni Nunani Avannarlerni 1995-ip kingorna agguaqatigiisillugu IQ pointinik 6,85-imiippoq, allaaserisami tamanna oqaatigineqarpoq.
Paasissutissat Finlandimit, Norgemi aamma Danmarkimi paasissutissat professorit ilaatigut qimerloorismavaat. Ineriartornerlu tassani aamma assigipajaaginnarpaa.
1990-ikkut qeqqani naalerneranilu IQ nunani avannarlerni pingasuni appariartulerpoq.
Skandinaviami IQ-p qaffakkiartornermini atuuffini immaqa tamakkersimagaa ilisimatuut tikkuarpaat - ilaatigut atuarfiit aaqqissuussaaneranni.
- Atuarfimmi sulineq nunani amerlanerusuni pisariunnginnerulertoq takuarput, James Flynn svenskit atuagassiaannut Forskning & Framstegimut oqarpoq.
Danmarkimi paasissutissat piffissami 1988-imit 1998-imoorput, tassani danskit silassorissusaanni ukiut tamaasa qaffariartoqartarluni.