Folketingimut qinersineq
Danskit qinersisartut: Nunani avannarlerneersut aalajangissanngilaat kina statsministerinngussanersoq
Folketingimut qinersinissami nunanit avannarlerneersut kina statsministerinngornissaanik aalajangiisooratarsinnaanerat Danmarkimi qinersisartunit nuannarineqanngilaq
TNS Gallup-ip tamanna danskit aviisiannut Berlinskemut isumasiuititsinerani takuneqarsinnaavoq. Innuttaasunik isumasiuititsinermi inuit 1.050-it peqataapput, Politiko.dk allappoq.
Talerperliuniarnerit tamanna akerlerinerugaat isumasiuinerup takutippaa.
Naleqquttuunngitsoq
Nunanit avannarlernit Folketingimi ilaasortaasut kina statsministeriussanersoq aalajangiisuuleratarsinnaanerat naammaginanngitsuusoq isumasiuinermi 51 procentit isumaqarput. Isumasiuinermi talerperliuniarnerusut 68 procentii isumaqarput naammaginanngitsuusoq.
Aalangiisuujunnaassasut
Isumasiuinermi inuit aamma aperineqarput 'nunanit avannarlernit Folketingimi ilaasortaasut kina statsministeriussanersoq aalangiisinnaajunnaarnissaat', tassanilu inuit apersorneqartut 54 procentii isumaqarput nunanit avannarlernit ilaasortaasut aalajangiisinnaajunnaartariaqartut. Taamaasilluni Danmarkimi Folketingimi ilaasortaasut 175-it kina statsministeriussanersoq aalajangertariaqartalertariaqaat isumaqarput.
Apersorneqartuni saamerliuniarnerusut 35 procentii taama isumaqarput, talerperliuniarnerusut 70 procentii taamatut isumaqarlutik.