Inuit Sila

Danskit ilisimaneqartut: Juullimut puisip amianik pisigitsi

Juullimut tunngatillugu Inuit Sila Danmarkimi juullernissaanut malunnartitsiniarpoq

Flemming Jensenip Nunatta puisai tapersersugarai

Puisip amianik pisisaritsi!

Inuit Silap suliniutaa kingulleq oqariartuuteqarpoq.

Puisip amianik malunnartitsisartut, Inuit Sila, juullimut tunngatillugu malunnartitsiniarput. Danskit juullimut puisip amianik pisinissaat kaammattuutigineqapoq. Puisip amia kusanartuuvoq, nungusaataanngitsumik pisaavoq kiisalu kalaallit puisinniartuinut tapersersuinerulluni.

Inuit Silami sulisut pisisartunit kaammattorluarneqarnertik nuannaarutigaat.

- Danmarkimi ilisimaneqartunit politikkeriniillu kaammattorluarneqarnerput nuannaarutigeqaarput. Ajunnginnerpaaq anguniarlugu puisip amianik pisisarnissaq suliniutigaarput, Inuit Silami suliniummi aqutsisoq Ole Ørum tusagassiutinut nalunaartuteqarpoq.

Ilisimaneqartorpassuit
Ilisimaneqartut kaammattuinerisa saniatigut ilisimaneqartut namminneerlutik kaammattuuteqarput. Tassani puisinniarnerni peqataasimanertik, uumasunik eqqarsartaatsit kiisalu inuit amerlasuut uumasunik uumassuteqarnerat pillugit oqariartuuteqarlutik.

Ilaatigut isiginnaartitsisartoq Flemming Jensen ima allappoq:

- Puisimik pisaqartareerpunga, qanoq iluatitsigeqqaarluni qanoq pusimik pisaqartoqartarnersoq ilisimavara. Ima puisinik amerlatigisunik pisaqarnikuunngilanga inuussutigisinnaallugit, taamaattumik puisinniartartut qanoq pikkoritsigisariaqarnissaat ilisimanngilara.

Siornatigut ministeriusimasut Bertel Haarder aamma Per Stig Møller, nerisassiortartut Mikkel Maarbjerg aamma Nikolaj Kirk, ilusilersuisartoq Benedikte Utzon, erinarsortartoq Julie Berthelsen kiisalu piginnaanilissuaq Rasmus Lyberth Inuit Silamut ilaatigut tapersersueqataasuupput.

Powered by Labrador CMS