Danskit atuartut tupilaliortut

Mariagerfjord Kulturskolemi atuartut qulit kalaallit qanga tupilaliortarnerat ullumikkumut naleqqussarlugu sanapput. Kunstetagerne Hobro-miittoq pulaarpaat tassani Nordatlantisk Mangfoldighedimeersut saqqummersitsisut saqqummersitsinerat takusarlugu.

Mariagerfjord.dk allappoq.

Atuarfimmi takornariareerlutik namminneerlutik tupilaliorput, tupilaliaat ullumikkumut tulluartunngorlugit meeqqat sanavaat.
Vibeke Kromann-Andersenip aamma kalaallit qanga tupilaliortarnerat meeqqanut takutippaa.

- Qallunaat tupilaannik sanavugut, meeqqammi ilaasa ernumagaat tupilaviit sunniuteqarumaartut, ilusilersuinermi ilinniartitsisoq oqarpoq.

- Tupilaliarineqartut assigiinngitsunik imaqarput soorlu nerisassat mamarinngisagut ilaapput, isiginnaarutikkut pikkunaatsut takutinneqartartut, ilinniagassat naveersittarnerit allarpassuillu.

Meeqqat uani sapaatip akunnerani pulaarnerminni marlunnik namminneq sanaaminnik marlunnik sanassapput. Sanaavat siulleq immamut iginneqassaaq, soorlu qanga kalaallit nunaanni taamaaliortoqartarsimasoq, tullialu atuartut namminneq angerlaatissavaat.

Soqutiginnittut Hobromi Kustetagermi meeqqat sanaavat takusarsinnaavaat. Nordatlantisk Mangfoldighedimi eqqumiitsulianik saqqummersitat februaarip 28-ata tungaanut aamma takuniarneqarsinnaapput.