piumasaqaat
Danmarkip Issittup imartaata naqqanik piumasaqaataata assinganik Rusland piumasaqaateqarpoq
Qalasersuup toqqavia Ruslandikkoortuusoq russinit oqariartuutigineqarpoq
Rusland Qalasersuaq pillugu piumasaqaateqarpoq, tassami Danmarkip 2014-mi piumasaqaataata assinganik piumasaqaateqarpoq.
Nutaarsiassaqartitsivik Barents Observer allappoq.
Russit oqartussaqarfiannit oqariartuutigineqarpoq, Qalasersuup toqqavia aamma Ruslandikoortuusoq.
Nutaarsiassaqartitsivik allappoq, russit ukiorpassuarni Qalasersuarmi misissuereernertik kingorna aalajangiussaqartut, tassa Qalasersuarmi aamma oqartussaaffeqarusuttut.
Sikoqarfissuup Mendelejevryggenip aamma Lomonosovryggenip oqartussaaffeqarusuttut nalunaarutigineqarpoq.
Qalasersuarmi 895.000 kvadratkilometerimik Kalaallit Nunaat Danmarkillu akisussaaffeqarusunnertik decembarimi saqqummiunneqarpoq.
Norge aamma akisussaaffeqarusuppoq.
Nunat FN-ikkut isumaqatigiissinnaanngippata nunat imminnut isumaqatiginninniartinneqassapput.
Rusland Qalasersuarmi akisussaaffeqarusunnini aggustip pingajuani FN-imut nassiussivoq.
Ruslandip præsidentiata Vladimir Putinip Ruslandip sakkutuuinut piumasaqaateqareerpoq, tassani Qalasersuarmi sakkutooqarfeqarnissaq anguniarneqarluni.