Savalimmiuni qinersineq

Danmarkimut attaveqarneq atugarissaarnerlu pitsaanerulissasut neriorsuutigaa

Savalimmiuni aningaasaqarnerup pitsaanerulernissaa, Danmarkimut suleqateqarnerup pitsaanerulernissaa kiisalu atugarissaarnerup aamma pitsaanerulernissaa Savalimmiuni lagmandip qineqqusaarnermini neriorsuutigai

Savalimmiuni lagmandi Kaj Leo Holm Johannesen

Savalimmiuni qineqqusaartoqaleruttorpoq. Savalimmiuni lagmandip Kaj Leo Holm Johannesen pingasunik pingaarutilinnik qineqqusaaruteqartoq JyllandsPosten allappoq.

Tassaapput:

  • Atugarissaarnerup pitsaanerulernissaa
  • Danmarkimut suleqateqarnerup ineriartortinneqarnissaa
  • Aningaasaqarnerup pitsaanerulernissaa

Savalimmiuni naalakkersuisutut ataannarnissani sulissutigaa.

Kaj Leo Holm Johannesen talerperliuniani Sambandsflokkurinimi 2008-mili siulittaasuuvoq. Sanaartorneq pillugu aaqqiagiittoqannginnerani innuttaasunit tatigineqarnera annikilleriarpoq.

Akileraartarneq
Kaj Leo Holm Johannesenip Savalimmiuni akileraarnermut aaqqissuuteqqitaa 2011-meersoq isornartorsiorneqarpoq. Savalimmiuni innuttaasut isertitaasa 40 procentii akileraarutigisarpaat.

Savalimmiuni atugarissaarnerusut qaammammut 7.000 koruuninik sipaaruteqarnerulerput inatsit atuutilermat. Savalimmiormiunut 14.000-nut akileraarnermut inatsit iluaqutaasuusoq oqaatigineqarpoq.

Savalimmiuni ukiuni kingullerni sisamani aningaasaqarneq 20 procentimik pitsaanerulerpoq, tamannalu aalisakkanik tunisinerit pitsaanerulersimanerannut tunngaveqarpoq.

Powered by Labrador CMS