aatsitassat
Danmarkimi uuliasioqatigiiffiup Shellip uuliamik toqunartumik mingutitsisoq
Uuliakoortoq qangarnissap pissutigisaanik uuliakoortoq 150.00 literi Fredericiami seerivoq
Shellip Fredericiami immikkoortortaqarfiani petroliummi dieselilu toqunartut seerisarsimapput. Nunami seerisarsimasoq immamut aamma anngussimavoq.
DR-ip aallakaatitaani '21 Søndag'-mi tamanna saqqummiunneqarpoq.
- Annertoorujussuarmik toqunartumik uuliamik seerisoqarpoq. Lillebæltip ataani seerivoq immap eqqaani.
- Ukiuni qulikkaani marlunni pingasuniluunniit seerisimassaaq. Taama annertutigisumik takusaqarnikuunngilanga, misissuisartoq Freddy Steen Petersen oqarpoq.
Uuliakoorfik 1970-ikkunni 1980-ikkunniluunniit seerilersimassasoq ilimagineqarpoq.
Tankersuit putoqalersimasut kuulersimasullu oqartussaasunit 1985-mi paasineqarpoq.
150.000 literi seerisimassasoq taamani ilimatsaanneqarpoq.
Uuliasiorfik uuliamik seerisimasumik puilasumik iluarsaassisussanik arlalinnik ikkussuivoq. Shell 2011-mi nalunaaruteqarpoq iluaqutaasimanngitsoq.
Uulia immamut inunnit naluffigineqartartumut Østerstrandimut seerisimavoq, Lillebæltimullu anngussimalluni.
Erngup misissorneqarnerani paasinarsivoq inerteqqutaasumit 9000-riaammit imaq ajornerusoq. Allaat kræfteqalernartumik benzenimik akoqangaatsiartoq aamma paasineqarluni.
Østerstrand oqartussaasunit piffissaligaanngitsumik matuneqarpoq.
Inatsisit malillugit taava Shell nammineerluni uuliakoorfik suliarissanngilaa. Region Syddanmarkimi akileraartartut tamanna akilertussanngorpaat.
- Aallaqqaataanit aallartissaagut. Seeriffiusoq misissorneqassaaq, nalunnguaarfigineqartartoq aamma paasiniarneqarumaarpoq, Shellimi tusagassiuutinut oqaaseqartartoq Regitze Reeh DR-imut oqarpoq.