Assit: Silarluttoq

Danmarkimi uleruloorneq

Danmarkimi pingasunngornermi silap ulorianarnera pisussamut takussutissaannaavoq, sila pillugu ilisimasalik aarlerisaarivoq

Præstømi sissami imaq illorpassuarnut isaavoq Per Rasmussen/POLFOTOPræstømi sissaq Per Rasmussen/POLFOTOStegemi Netto Per Rasmussen/POLFOTO Per Rasmussen/POLFOTO

Sakkortuumik sialuup, anorersuit aamma immap qaffanneranik qarsutsisarnernut, Danmarkip annerpaartaani uleruloorneq, siunissami silap qanoq innissaanut takussutissaannaavoq.

Sila pillugu Ingeniørforeningip ilisimasalittaa, Ole Mark, taama oqarpoq.

Atuaruk: Danmarkimi sila ulorianarnissaa mianersoqqussutigineqartoq

Pingasunngornermi unnukkut sisamanngornerullu unnuaani uleruloorneq ukiuni hunnorujuni pisartutut taaguuteqarpoq. Tassa imaappoq, ukiut tamaasa Danmarkimi qarsutsineqarnissaanut 1 procentimik ilimanassuseqartoq.

Taarsiiffigineqarsinnaasut
Ullormi kingullermi qarsutsinerit uleruloornermik nunap ilaani isigineqartariaqartut, Stormrådip sisamanngornermi nalunaarutigissavaa.

Inuit qarsutsinermik eqqugaasut taarsiivigineqarnissamik qinnuteqarsinnaanerannik, tamanna isumaqarpoq.

Atuaruk: Qaanaami anoraasuarsuaq: - Tupinnaqaaq

- Taakku qarsutsinerit uleruloorneq pillugu inatsimmut ilannguneqassapput. Ullumi kingusinnerusukkut nalunaarutiginiarpagut. Danmarkip kujataani uleruloornermik eqqugaasutut sorliit nalilertariaqarnersut aamma killilerniarparput, Stormrådip siulittaasua, Jesper Rasmussen oqarpoq.

Immap qaffasissusaa unnuap ingerlanerani qaffasinnerpaaffissaminiippoq, anori imarlu sisamanngornermi ullaakkut annikilliartorput, DMI nalunaarpoq.

Upalungaarsimasulli nunap ilaani suli imaajaallutik sulipput, qarsutsinerillu saliiffigaat.

Powered by Labrador CMS