Vildt vejr
Danmarkimi sila ulorianarnissaa mianersoqqussutigineqartoq
Imaq qarsutsissaaq, nunamilu sumiiffinni arlalinni ullumi ulorianarsinnaasunik pilersitsissalluni
Annonse
- Najukkat aamma imminut illersorit, DMI-ip ullumikkut Danmarkimi najugaqartunut kajumissaarutaa taama nipeqarpoq.
Sakkortuumik anorlernera pissutigalugu immap nalinginnaasumit qaffasissusaanit 1,8 meterit tikillugit qarsutsinissaanut ulorianartorsiortitsinermik pilersitsivoq. Ingammik qeqertat nalaat, Storebælt, Lillebælt aamma Bornholm sakkortuumik eqqorneqassapput.
- Sakkortuumik anoraasuarnera immap qaffanneranik malitseqartoq sinerissami annertuumik qarsutsinernik kinguneqassaaaq, illunillu sinerissamiittunik ajoqusiissalluni. Sineriammi qarsutsiffiusinnaasuni pisariaqanngitsumik angalannginnissaat kajumissaarutigineqarpoq, DMI nittartakkamini allappoq.