Danmarkimi sila ukiuni kingullerni 140 aatsaat taama kiatsigaaq

Juulip qaammataani agguaqatigiisillugu Danmarki 19,4-nik kiappoq.

Taama DMI ilisimatitsivoq.

1994-mi kingullermik taama kiatsigaaq, aamma agguaqatigiisillugu 19,4-nik kialluni. 2006-mi agguaqatigiisillugu 19,8-mik juulip qaammataani kiappoq.

2001-mit 2010-mut juulip qaammataani agguaqatigiisillugu 17,8-nik kiattarpoq.

Danmarkimi juulip 17-anili kiappoq, suli iperarneqarnani.

Danmarkip 99 procentia kiassuarpoq.

25-t angullugit kiassimagaangat aasarissuartut taaneqartarpoq, ukioq mannalu 13,7-arluni taamaattoqareerpoq. Katillugit ulluni arfineq pingasuni kiassuseq 20 naqqaniinngilaq.

Kiannerpaarli suli qaangerneqanngilaq, 2006-mi juulip ingerlanerani ataasiarluni 36,4-nik kiappoq. Ukioq manna Aalborgimi kiassuseq anginerpaaq uuttorneqarpoq, 30,9-nik kiakkami.