Efterskole
Danmarkimi efterskolertorpassuit taamaatitsisariaqartut
Danmarkimi efterskolertut unammilligassarpassuaqarput ingammik oqaatsitigut, piffissallu sivikitsuinnaap ingerlanerani amerlasuut Nunatsinnut angerlatariaqartarlutik.
Atuarnerup aallartinneranit sapaatip akunneri marluk ingerlariilaatsiaannartut ilinniarnermut siunnersortit kalaallinut
arfineq-marlunnut efterskolertunut ajornartorsiortunut ikiuisariaqarsimapput, KNR allappoq
Uggornartoq
- Ukioq manna ajornartorsiuterpassuusut takusinnaavarput. Tamanna uggornaqaaq tassami atuarnerup aallartinneranit aatsaat ullut qulit qaangiupput, ilinniartunut siunnersorti, Pia Rosing Heilmann KNR-imut oqarpoq.
Ilinniartut marluk angerlareersimapput, oqaatsinik ajornartorsiuteqarnerup kingunerisaanik ilinniartut ilinniartitsinernut atuarfimmilu aaqqissuussanut akuliunniapiloortarput.
Ukioq atuarfiusoq 2015/16-mi ilinniartut 265 efterskolini aallartissimapput taakkunanngalu 51-it ikerinnakkut angerlartariaqarsimallutik.