Royal Arctic Line
Danmarkimi arsaattartunut aningaasaliisoq
RAL-ip Namminersorlutik Oqartussat aningaasaataat atorlugit ilimagisamit annertunermik tapiisarsimavoq. Ukiut ingerlanerini umiarsuaatileqatigiit Jyllandip avannaani timersornermut, eqqumiitsuliornermut kulturikkullu inuunermut tapiisarsimavoq. Tapiisarneq amerlanertigut sulisunut ajunngitsorsiassaqarfiusarpoq
Royal Arctic Line annertuumik Aalborgimi tapiisarsimavoq.
AG-mi kingullermi allaaserineqarpoq Namminersorlutik Oqartussat suliffeqarfiutaata Aalborgimi angallatit tingerlaataannallit sukkaniunnerannut marlunnut million koruunit affangajai tapiissutigisimagai saniatigullu Aalborg Kultur- og Kongrescenterimut ataavartumik inuussutissarsiortutut tapiisartuulluni.
Tapiissutit arlallit
Tukkuujoornerli suli annertuneraaq.
Suliffeqarfinnik piginnittoq Royal Arctic Line – suliffeqarfiillu assingusut soorlu Royal Arctic Logostics aamma Aalborg Steve- dore Company A/S – ukiuni kingullerni Jyllandip avannaani tamalaanut tapiisarsimapput.
Arlalitsigullu tapiinerit niuernermik tunngavilersorneqarniarnerat takujuminaattarpoq.
Arsaattunut tapiisartoq
Taamaalilluni suliffeqarfiutaa Royal Arctic Logistics AaB-mi Superligami unammisartunut pingaarnertut tapiisartuusimavoq; tapiisarnerli taamaattoq unitsinneqarsimavoq.
Lars Østergaard ukiut nikinneranni Royal Arctic Logisticsimi pisortatut tunuartoq arsaattartunut tapiinermut attaveqaataasimavoq. Ullumikkut Danmarkimi suliffeqarfimmi allami qullersatut sulivoq kissaatiginagulu Danmarkimi RAL-mi ukiuni sisamani siuttuunermini tapiisartutut iliuuserisami nassuinarnissaat.
Allaaserisaq tamaat AG-mi atuaruk, taanna uani pisiarisinnaavat: