Danmark tassaarsuarmit eqqugaasunut 30 millionit koruuninik tapiissuteqarpoq

- Tamatta naalagaaffeqatigiippugut. Taamaammat ajunaarnersuaqarnera qanimut malinnaavigaara, Lars Løkke Rasmussen (V) tusagassiuutinut nalunaarummi allappoq.

- Naalagaaffiup tapiissuteqarnera Kalaallit Nunaanni innuttaasunut eqqugaasimasunut toqqissisimasumik sinaakkuteqarsinnaalernissaannut alianartumillu misigisaqarnerannik qaangiinissaannut ikiorsiissutaasinnaanissaat neriuutigaara.

Nunap juunip 17-iani sisoornera annertoorujussuuvoq tassaarsuarmillu pilersitsilluni. Inuit inuunerannik naleqarpoq, angerlarsimaffiit, inuussutissarsiornikkut tunngaviit nunaqarfinnilu Nuugaatsiami Illorsuarnilu innuttaasut eqqugaapput.

Danskit kalaallillu oqartussaasui upalungaarsimanermik suleqatigiipput. Namminersorlutik Oqartussat innuttaasut eqqugaasimasut inisseqqinnissaannut 70 millionit koruuninik immikkoortitsisimapput.

Danskit naalakkersuisuisa 30 millionit koruunit Folketingimut qinnutiginiagai Kalaallit Nunaanni innuttaasunut eqqugaasimasunut nutaamik aallartinnissaannut inisseqqinnissaannullu qulakkeeriniarnermut tapersiutaassapput.

Risikovurdering

Taakku saniatigut Namminersorlutik Oqartussat qaqqap sisoorujussuarnera misissuiffigilluarusuppaat. Danskit naalakkersuisuisa misissuinissamut 10 millionit koruunit immikkoortippai.

- Illersornissaqarfik, politiit GEUS-illu kalaallit oqartussaasui peqatigalugit immikkut ittumik suliniuteqarput tamatumani ataqqeqaakka, Løkke Rasmussen oqarpoq.

- Kim Kielsenip (Naalakkersuisut siulittaasuat aaqq.) pinngortitami ajunaarnersuup nalaani danskit oqartussaasuisa suliaqarnerat pillugu nersorinninnera isumaqatigaaffigalugu uannut oqaatigisimavaa, Lars Løkke Rasmussen oqarpoq.

Upalungaarsimasut sulinertik pisariaqartitsisoqarnerani kissaatigineqarneranilu ingerlatiinnassagaat ilanngullugu oqaatigaa.

/ritzau/