Lars-Emil Johansen uden om køen
D: Tamanut aissuineruvoq
Demokraatit siulittaasuata Jens B. Frederiksenip mamiagaa Siumumeersoq Lars-Emil Johansen sapaatip akunnerata naanerani peqqinnissaqarfimmi utaqqisunik qaangiinissaanut ikiorneqarsimammat
– Politikerit kinguleriiaani siullersanngortinneqartassanngillat. Sapaatip akunnerata naanerani pinartumik pisoqarsimappat nakorsiartarfik attaveqarfigineqassaaq. Naalakkersuisunut ilaasortaanngitsoq.
Taamatut Demokraatit siulittaasuat Jens B. Frederiksen Sermitsiaq.AG-mut oqarpoq.
Taamatut oqarpoq KNR-p saqqummiummagu Inatsisartut siulittaasuat Lars-Emil Johansen, Siumut, sapaatip akunnerata naanerani peqqissutsimut Naalakkersuisumit Steen Lyngemit, Atassut, ikiorneqarluni Dronning Ingridip Napparsimmavissuani utaqqisunik qaangiisimammat, isimigut aseruuttoornini pissutigalugu Steen Lynge attaveqarfigalugu, innuttaasut allat tamaasa assigalugit telefoni naammagittarnerlu atornagit.
Atuaruk "Lars-Emilip Sanami utaqqisut qaangerpai"
Steen Lynge pakatsissutiginerpaavaa
– Ajoqut utaqqissunneqarsinnaappat nakorsiartarfiliartoqarneq ajorpoq nalinginnaasumilli telefonikkut nakorsiarneq atorneqartarluni, taannalu ataasinngornermiit tallimanngornermut ammasarpoq nalunaaqutaq 08.15-imiit. Tamanna atuuppoq innuttaasunut, Inatsisartunut ilaasortanut aamma Naalakkersuisunut ilaasortanut. Aamma Inatsisartut siulittaasuannut. Utaqqisunik qaangiineq tamanut asissuineruvoq, Jens B. Frederiksen oqarpoq.
– Pisimasoq tamanna Lars-Emil Johansenimit naatsorsuutigineqarsinnaavoq. Steen Lungemiunngitsorli. Taamaattumik Steen Lynge pakatsissutiginerpaavara.