Landbrug
D: Suka K. Frederiksen naalakkersuisutut attuumassuteqarpallaarpoq
Inatsisartunut ilaasortap Michael Rosingip, nunalerinermut naalakkersuisoqarfik attuumassuteqanngitsumut nooqqullugu, Naalakkersuisut siulittaasuat Kim Kielsen (S) kajumissaarpaa
Nunaatilik nunaateqarnermut naalakkersuisuusinnaava?
Inatsisartunut ilaasortaq Michael Rosing (D) taama apeqquteqarpoq.
Siumumeersoq Suka K. Frederiksen nunalerinermut naalakkersuisutut toqqarneqarsimanera, taassuma apeqquserpaa. Taanna Kujataani Narsap eqqaani nunaatiliuvoq.
Atuaruk: Naalakkersuisunngorlaaq: Namminiilivinnissaq angorusuppara
Akisussaaffik allamut nuunneqarli
- Ilumut taamak attuumassuteqartigaluni arlaatigut Naalakkersuinikkut nunaateqarnikkut iliuuseqarsinnaatitaava?
- Tamanna eqqortuusorinngilara taamaattumillu Kim Kielsen peqquniarpara nunaateqarneq pillugu Naalakkersuisoqarfik allamut Naalakkersuisumut pineqartumut attuumassuteqanngitsumut tunniunneqarnissaa, Michael Rosing tusagassiuutinut nalunaarummi allappoq.
Suka K. Frederiksenip aamma namminiilivinnissamut, pinngortitamut avatangiisinullu naalakkersuisuuvoq.
Atuaruk: Naalakkersuisunut ilaasortat nutaat aajuku