Skip to main content

D sillimmarsiisarfimmik pilersitsinissamut siunnersuut isornartorsiorpaat

Anthon Frederiksenip (PN) Namminersorluk Oqartussat sillimmisasiisarfimmik pilersitseqqullugit siunnersuutaa Demokraatinit isornartorsiorneqarpoq. Siunnersuut Naalakkersuisunit akuerisassanngorlugu innersuussutigineqarpoq

- Sillimmasiisarfiit pioreersut sillimasiinernut suliarisaminnut paasisimasaqareerput. Namminersorlutillu Oqartussat sillimmasiisarfimmik ingerlataqarlissangaluarunik pisortat allaffissornerinik annertusaaginnassaaq.

Taama oqarpoq Demokraatit siulittaasuat, Randi Vestergaard Evaldsen, Anthon Frederiksenip (PN) Namminersorlutik Oqatussat sillimmasiisarfimmik pilersitseqqullugit siunnersuuteqarneranut. Siunnersuut Inatsisartuni pingasunngornermi siullermeerneqarpoq.

Atuaruk: Inatsisartuni siunnersuut: Sillimmasiisarfittaartariaqarpugut

Tikisitat

Demokraatit erseqqissaatigaat siunnersuut akuerineqassangaluarpat inatsisilerituunik økonominillu tikisatanik pisariaqartitsisoqalernissaa.

- Tikisitat akerlerinngikkaluarlutigit kisianni siunnersuuteqartup partiiata politikkerinngilaat tikisitanik sulisoqarnissaq, Randi Vestergaard Evaldsen Inatsisartut oqaaseqartarfianiit oqarpoq.

Namminersortut unammillerniarneqartut

Neriuutigaattaaq Namminersorlutik Oqartussat namminersortunut unammillinnginnissaat:

- Namminersorlutik Oqartussat allaffissornerallu oqilisaaffigineqarnissaa kissaatigaarput. Isumaqarpugut, namminersortut allisarneqartariaqartut. Siunnersuutigineqartumi killormorluinnaq eqqarsarneruvoq, Demokraatininngaanneersoq Randi Vestergaard Evaldsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER