namminiilivinneq

D: Namminiilivinnissamut aaqqissuusseqqinnerit pisariaqartinneqarput

Randi Vestergaard Evaldsenip Naalakkersuisut nammineq napatittumik aningaasaqalernissamut iliuuseqanngippallaarnerarlugit isornartorsiorpai. Namminineerlunilu aningaasanut inatsimmi sinneqartoorutit amigartoorutillu kukkuluttorfigai.

Namminiilivinnissamik anguniagaqarneq aamma nammineq napatittumik aningaasarsiornermik anguniagaqarnerusariaqarpoq.

Demokraatit taama isumaqarput, taamaattumillu Inatsisartuni apeqquteqaat aallavigalugu oqallinnissamik siunnersuuteqarput.

- Eqqaamassavarput naalagaaffimmit ullumikkut tapiissutisiarisartakkatta ukiumut 4 milliarder koruunit missaanik amerlassusillit nunatta ataatsimut aningaasarsiornerata ilarujussua matussusertarmassuk.

- Taakku milliardit pissaartussaavagut naalagaaffinngornissarput qinissagutsigu.

Atugarissaarneq akileraartarnerlu
Politikkikkut namminiilivinnermut aningaasaqarnermik pilersitsiniarlutik Naalakkersuisut aamma partiit sinneri qanoq iliorniarnersut, taassuma apeqquteqarfigai.

- Kissaatiginngilarput naalagaaffinngornissamut takorluuinerup tungiuinerup akileraartarnermilu procentip tunngaviinik allanngortitsinissaa.

- Kissaatigineruarput ilungersorluta ornikkiartuaassagipput. Kissaatigaarput iluarsartuussinerit pisariaqartut aallartinnissaat, taanna taama oqariartuuteqarpoq.

Eqqissiinnaritsi aallartereerpugut, akileraartarnermut aningaasaqarnermullu naalakkersuisoq Aqqaluaq B. Egede (IA) taama akissuteqarpoq.

Ukiormanna sinneqartoorneq - ukiuni tulliuttuni amigartoorneq
Aqqaluaq B. Egedep (IA) Naalakkersuisut aningaasaqarnermut politikkiat pitsaasutut nalilerpaa.

- Taamatut oqariartuuteqarneq apeqquserusuppara, Randi Vestergaard Evaldsen naggasiutaasumik oqaaseqarnermini akissuteqarpoq.

Taannali oqaaseqarnermi aallartinnerani tunngavilersuinini kimikillisippaa, tassami ukioq manna aningaasanut inatsimmi amigartooruteqarneraavoq.

Tassani Aqqaluaq B. Egedep naqqittariaqarpaa, tassami 21,7 millionit koruuninik sinneqartoornissamut missingersuusiortoqarnikuummat.

Akerlianik 2018.2019 aamma 2020-imi amigartoortoqarnissaa naatsorsuutigineqarpoq. 2020-imi maanna 100 millionit koruuniunissaat naatsorsuutaavoq.

Powered by Labrador CMS