kommunimut qinersineq

D: Kommuneqarfik Sermersooq nutaaliorfiussaaq ineriartortitsiffiullunilu

Nuummi aallarnisaasartut isumassarsiullaqqissut atungassaannik illumik pilersitsisariaqartariaqarpoq, Demokraatit siulittaasuat, Randi Vestergaard Evaldsen, oqarpoq

Nuummi aallarnisaasartut isumassarsiullaqqissut atungassaannik illumik pilersitsisariaqartariaqarpoq, Demokraatit siulittaasuat, Randi Vestergaard Evaldsen, oqarpoq

Nuummi aallarnisaasartut illuannik amigaateqarput.

Kommuneqarfik Sermersuumi kommunalbestyrelsimut qinigassanngortittoq, Demokraatit siulittaasuat, Randi Vestergaard Evaldsen, isumaqarpoq.

Taamaammat Nuummi aallarnisaasartut illutaarnissaat sulissutigerusuppaa, taamaaliornikkut kommunip piginnaanilittai ineriartortinneqassammata.

Atuaruk: Nunatsinni aallarnisaaneq suli atugaavallaanngilaq

Inuusuttut allannguerusupput

- Inuusuttatta allannguisoqarnissaa kissaatigaat. Eqqortuusinnaanngilaq inuusuttagut nunanut allanut qimarratsissagatsigit, tusarnaarumannginnerput periarfissanillu taakkununnga tunisiumannginnerput pissutigalugit. Tamanna allanngortinniarpara, tusagassiuutinut nalunaaruteqarnermini oqarpoq.

Maannakkorpiaq ineriartorneq kukkusumik ingerlavoq, Randi Vestergaard Evaldsen, isumaqarpoq.

- Tusakulavallaarpara inuusuttut nunanut allanut nuukkusuttut, uagut politikerit taakkununnga pilerinartumik inuiaqatigiinnik pilersitsisinnaannginnatta.

- Aallarnisaasartunut illuliornikkut ajornartorsiutigut tamarmik qaangerneqarnavianngillat, kisianni alloriassaagut, inuiaqatigiittut kommunitullu inuusuttatsinnut avatangiisit pilerinartut pilersissinnaagutsigit taakkulu isumassarsiaannut. Isumassarsianik ineriaretortitsisinnaanissaq piviusunngortitsisinnaanissarlu isumaqarpunga pingaaruteqartoq – pingaaruteqaqaaq immaqa amerlasoorpassuit takorloorsinnaasaannut naleqqiullugu, Randi Vestergaard Evaldsen oqarpoq.

Atuaruk: Inuussuttoq aallarnisaasoq politikerinut: Ilissi ajornartorsiutaavusi!

Pisariaqartoq

Taamaammit politikerit sinaakkutissanik pilersitsisariaqartut inuiaqatigiinni nutaaliortortut isumassarsiullaqqissullu inissaqartikkumallugit sullivissaqartinneqartariaqartut, Randi Vestergaard Evaldsen isumaqarpoq.

- Piffissami matuma naalagaaffinngornissaq assut eqqartorparput. Naalagaaffinngussaguttali nammineersinnaasariaqarpugut nunarpullu kivillugu ullumimut naleqqiullugu aningaasarsiornikkut nammineersinnaanerulersillugu. Tassani inuusuttut pingaarutilerujussuupput. Taakkorpiaammi naalagaaffimmi Kalaallit Nunaanni inoorusuttariaqarput nujugaqarusuttariaqarlutillu, Randi Vestergaard Evaldsen oqarpoq.

Atuaruk: Isornartorsiuinerup kingorna: Politikerit inuusuttoq aallarnisaasoq naapikkusuppaat

Powered by Labrador CMS