ilinniartitaaneq
D: Ilinniarfiit nuunneqarnissai isumassarsialatsiaanngilaq
Ilinniarfiit nuussorneqassappata ilinniartut ikileriaateqassapput ilinniartitsisunillu tunuartitsisoqartariaqassalluni, Demokraatit siulittaasuat Randi Vestergaard Evaldsen tikkuaavoq
- Isumaginninnermut siunnersortinngorniat ilinniarfiat Ilulissanut, Eqqumiitsuliortunngorniat ilinniarfiat Aasiannut, KTI ilinniarfik Sisimiunut kiisalu Niuernermik ilinniarfik NI Qaqortumut nuunneqarnissaannut Naalakkersuisut aalajangersimanerlutik?
- Demokraatit siulittaasuat, Randi Vestergaard Evaldsen, Naalakkersuisunut taama apeqquteqaateqarpoq, taassuma erseqqissumik paaserusuppaa ilinniarfiit soorliit nuunneqarniarnersut.
Atuaruk: Nussuineq 500 millionit koruuninik akeqassaaq
Taamaatitsisartut ikannerulissapput
Taassuma ilinniarfiit illoqarfinnut allanut nussorneqarnissaat kissaatiginngilaa.
- Nussuinissaq isumassarsialatsiaanngilaq. Ilinniartut amerlanerit taamaatitsiinnartalissapput ilinniartitsisullu tunuartariaqassallutik, Randi Vestergaard Evaldsen tikkuaavoq.
Pioreersunik nussuiinnarani suliffeqarfiit nutaat pisortallu suliffeqarfiutai sinerissamut nussorneri pitsaanerussasoq taanna isumaqarpoq, ilinniarfiit nussorneqarnissaannut taanna isumaqataanngilaq.
- Ilinniartut Nuummi ulluinnaat sungiutereernikuuaat ilaqutsiulernikuullutillu. Toqqissisimanerat imaasiallaannarnerinnakkut aserorneqartariaqanngilaq, Demokraatit siulittaasuat oqarpoq.
Atuaruk: KIMIK: Nuuk kisimi eqqumiitsuliornermi suliaqarfiusinnaavoq
Nooqataarusuttoqarunnanngilaq
Taassuma Nunatsinni kommuneqarfiit kattuffiat KANUKOKA-p nuunneqarsimanera assersuutigaa.
- KANUKOKA-p nuunneqarsimanerata kinguneri takusinnaavagut. KANUKOKA Nuummiik Maniitsumut nuunneqarmat sulisui nooqataarusussimanngillat, KANUKOKA-milu atorfiit inuttaqanngitsut suli ilungersuutigalugit inuttassarsiunneqarlutik, Randi Vestergaard Evaldsen oqarpoq.
Atuaruk: Ilinniarfiit nuummiik nuunneqarnissat sillimaffigeqquneqartoq