Inatsisartut
D IA-mut: Inatsisartut ataatsimiittarfissaannut tapersersuinersi taamaatissiuk
Inatsisartut ataatsimiittarfittaassaannut aningaasat silatusaarluni atorneqarsinnaapput, Demokraatit taama isumaqarput
Demokraatineersup Tillie Martinussenip Inuit Ataqatigiit Inatsartut ataatsimiittarfissaannik sanaartornissamut tapersersueqqunagit kajumissaarpai, suliniut taamma Siumumi aamma tapersersugaavoq.
Tassami Demokraatit qularutiginngilaat, ataatsimoorluni suliniutinik tulluartunik nassaartoqarsinnaasoq, taakkulu nutaamik Inatsisartut ataatsimiittarfissaannit tapersersoruminarnerussapput.
Atuaruk: Inatsisartut ataatsimiittarfiissaannut D naaggaariiginnarpoq
Suliniut ataqqinaataasoq
Partiip suliniut 'ataqqinaatitut illorsualiornertut' taavaa, taanna 300 millionit koruuninik akeqassaaq.
- Naaggaarnissamut pissutissarpassuaqarpoq, kisianni qilanaarpugut ataqqinaatitut Inatsisartut ataatsimiittarfissarsuannik ikittuinnaat iluaqutissarsivigisassaannik sananissamut IA-p tunngavilersuutaasa tusarnissaannut, Inatsisartunut ilaasortaq Tillie Martinussen tusagssiuutinut nalunaarummi oqarpoq.
Atuaruk: Inatsisartut ataatsimiittarfissaannik takorluugaq uummarsaqqikkaat
Partii apeqquseraa
Taassuma erseqqissaatigaa, partii Inuit Ataqatigiit sanngiitsut illersortaattut taasaraluartoq.
- IA -li apererusunnarpoq qanoq ililluni ataqqinaatissamik 300 millionit koruuninik akilimmik sanaartortoqarsinnaanersoq meeqqat inuusuttullu annertuumik uagutsinnit illersorneqarnissaminnik pisariaqartitsisut isiginnaartuliullugit?, Tillie Martinussen aperivoq.
Atuaruk: Inatsisartut imaattumik ataatsimiittarfittaassappat?