Skip to main content

D aamma IA suli isumaqatiginninniarfigineqarput

Inuit Ataqatigiit aamma Demokraatit isumaqatiginninniarfigineqaqqissapput ataasinngorpat

Inuit Ataqatigiit aamma Demokraatit Naalakkersuisunngorsinnaapput suli. 

Isumaqatiginninniartoqareersoq Kim Kielsen oqarpoq, partiit ataasinngorpat isumaqatiginninniarfigineqaqqissasut.

Akunnerup naanerani isumaqatiginninniartoqassanngitsoq Kim Kielsen ilisimatitsivoq.

Isumaqatiginninniarnerit qanoq ingerlasimanersut oqaaseqarumanngilaq. Assinganik Sara Olsvig oqaaseqarusunngilaq.

Isumaqatiginninniarnerit naammagisimaarlugit Niels Thomsen ualeq oqarpoq. Naalakkersuisooqataalissanersut aperineqarami tamanna oqaaseqarfigerusunngilaa.

Partiit isumaqatiginninniutaat maanna partiit namminneerlutik oqaluuserisussanngorpaat.

Inuit Ataqatigiit Siumumik oqaloqateqaqqaarpoq, ataatsimiinnerat nalunaaqutaq 09.00 aallartilluni tallimanngornerup ullaani. Akunneq ataaseq missaa ataatsimeereersut isumaqatiginninniarnerat tamaanga killeqarpoq. Nalunaaqutaq 13.00 isumaqatiginninniarnerat aallarteqqippoq.

Nunanut allanut illersornissamullu ataatsimiititaliap ataatsimiititsereernerani Demokraatit Siumumit isumaqatiginninniarfigineqarput. Tassani akunnerup aappaata affaa ataatsimiipput.

Isumaqatiginninniarnerat naammassimmat Demokraatit siulittaasuat Niels Thomsen Ilulissanukarluni aallarpoq. Isumaqatiginninniarneq naammagisimaarlugu oqarpoq.

Siumup aamma Inuit Ataqatigiit isumaqatiginninniaqqipput, ataatsimiinnerat akunnerup ataatsip missaanik sivisussuseqarluni. 

IA-p piumasaqaatai Siumumit ilisimaneqareersut Sara Olsvigip ataatsimeereernermi oqaatigaa, tassami qaammatit ikitsunnguit qaangiupput kingullermik isumaqatiginninniaramik.

Kim Kielsen tallimanngorpaatinnagu amerlanerussuteqalernissamik sulissuteqassaaq, tassami Inatsisartut ukiaanerani ataatsimiinnerat ammarneqassaaq. Amerlanerussuteqalersimanngikkuni Kim Kielsenimut tasiginninnginnermik taasititsisoqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER