Royal Arctic Line
Containerit suli suliarinerlutaapput
Containerit suli suliarinerlutaanerat, Royal Arcitc Linep kingullermik nalunaarusiaani erserpoq.
Sapaatit-akunnerisa 36-nni containerit qulit kukkusumik suliarineqarsimapput. Umiarsualivinnimi assigiinngitsuni pingasuni umiarsuarnut usiliunneqarsimanngillat.
Tamanna upernaaq aallartittumik qarasaasiatigullu atortorussaarutinut atuutsitsilernermut tunngatillugu, inuussutissarsiutinik ingerlataqartunut arlalinnut, pissamaatinik piniarnerminni piffissaq eqqorlugu tigusinnaanerlugit tatiginnikkunnaarsimapput.
Sapaatit-akunnera 29-miit 34-p tugaanut containerinik suliaqarneq umiarsuaateqarfiup aaqqissuteqarfigisimarpasippaa, kisiannilu sapaatit-akunnerisa 35-nni containerit arfineq-pingasut sapaatillu-akunnerisa 36-nni containerit katillugit qulit suliarinerlunneqarsimapput.
Ulloq 29. august umiarsuaatileqatigiiffiup pisortaa Verner Hammeken Sermitsiaq.AGimut paasissutissiivoq "atortorussaarutit tamatummunga kisimik pissutaanngillat, sulisunullu amerlasuunut nutaamik suleriuteqalernissaq pissutaaqataavoq.
- Taamaammat, qaqugu anguniakkagut iluarisimaarnartumik angusimallutigit oqarsinnaalernissarput oqaatigiuminaappoq, taamani Verner Hammeken naqissusiivoq.
Sapaatit-akunnerisa 36-nni Aalborgimi containeri ataaseq, Nuummi containerit arfineq-marluk Aasiannilu marluk, usiliunneqarsimanngillat.