silarluk
Containerit anorimit tingitaasut
Nuup talittarfiani containerit ilai anorimut akiuussinnaajunnaarlutik tingitaasut
Nuummi politiit ullaaq nalunaaqutaq 07.57 talittarfiliartariaqarsimapput containerit imaqanngitsut tingitaasimanerisa kingunerisaanik.
Matoqqatitsineq pisariaqartoq
- Kikkut tamarmik angallaffiannut qanimmat aqqusineq matusariaqarsimavarput, Nuup politiivini sillimasuuneq, Carl Sværdi, paasissutissiivoq.
Talittarfimmilu sulisut containerit imaqanngitsut ulorianartorsiutitsinaveerlugit aaqqissuutereermasigit minutsit 40-ut qaangiutiinnartut aqqusineq ammaqqinneqarpoq.
Atuaruk: Marlunngornermi timmisartuussinissarpassuit taamaatinneqartut
Silarlunnerup malitsigisaata ilagaat Nunatsinni timmisartuussineq annertunersaa unitsinneqarsimaneri, nuummilu bussit eqqaavilerisullu aamma uninngatinneqarlutik. Bussillu ilai isikkarnup tungaanut ingerlangallarsimasut, Nuup Bussii paasissutissiivoq. Ilaannakoortumillu ingerlatsisoqarsimasoq erseqqissaatigineqarpoq, Nuup Bussiisa nittartagaanni angallassineq pillugu paasiniaasoqarsinnaavoq.
Politiit silarlunnerup piliaanik allamut ornigunnissaanik kissaateqartoqarsimanngitsoq, poliit sillimasuunerata paasissutissiaraa.