nalliuttorsiorneq

Cirkus Arena takutitseqqaarnissaminut piareertoq

Cirkussi Kalaallit Nunaanni angalaalissaaq oktobarip aallaqqaataanit - illoqarfinni sorlerni takutitsisoqassanersoq takuuk

Pjerrot soorunami angalaqataassaaq

Cirkus Arenap Kalaallit Nunaanni oktobarip aallaqqaataani takutitsineri aallartippata, aamma siullermik Nunatsinnu takutitsineq ukiut 30-t matuma siornaassaaq.

Arenap Upernavimmit Nanortalik tikillugu illoqarfiit tikinnikuuai ukiuni taakkunani.

- Kalaallit isiginnaartui nuannertuaannarput, aamma takutitsisartut kissaatigisarpaat Kalaallit Nunaanukaqataanissartik, cirkusimi pisortaq Benny Berdino oqarpoq.

Cirkus Arenap nalliuttorsiortoqarnera malunnartinniarlugu Tjekkiameersut takutitsisartut ilaserissavaat, kiisalu cirkussilerinermut nunarsuarmi ilisimaneqarluartut aamma peqataassallutik.

Takutitseqqaarneq
- Takutitsinissanut piareersarnerit aasarli aallartinneqarput. Nunarsuarmi takutitsinissani Kalaallit Nunaat siullersaalluni takutitsiffigineqassaaq. Inneq tupinnartuaannarpoq. Finlandermiu Antti Suniala peqataassaaq, innermik sapinngisani takutissavai, Benny Berdino oqarpoq, aamma soorunami Pjerrot peqataassasoq naqissuserpaa.

Illoqarfiit uku cirkusserfiussapput:

  • Maniitsoq
  • Aasiaat
  • Ilulissat
  • Nuuk
  • Sisimiut

Isissutissat Pisiffimmi pisiarineqarsinnaapput, aamma matumi isilernermi pisisoqarsinnaavoq.

Powered by Labrador CMS