Cirkus
Cirkus Arena nunatsinnukassaaq
Illoqarfiit tallimat oktobarimi Cirkus Arenamit tikeraarneqassapput
Cirkus Arena oktobarimi Nunatsinnukaruni nunani tamalaani aliikkuserluillaqqinnerpaanik nassataqassaaq, sprechstallmeisterillu Benny Berdinop inuummarilluarluni nunami timersortarfinni pisut ingerlattassavai.
Taamatut tusagassiorfinnut nalunaarutikkut oqaluttuarpoq Christian Warrrer, Cirkus Arenameersoq.
– Aliikkusersuutissanik katiterisimavugut siumut takorlooruminaatsunik illarnarluartunillu, Benny Berdino oqarpoq, taassumalu Kalaallit Nunaannut aliikkusersuiartoqqinnissani qilanaaraa.
Cirkusimi ilaatigut angakkuarnerit takuneqarsinnaassapput, angakkuartartorlu tassaavoq qallunaaq angakkuartartoq nunarsuarmi tusaamasaq Hans Ulrik, isiginnaartuminik tiguaallaqqissoq. Eqaassaallaqqissut silaannakkut akrobatikimik takutitsisut.
Cirkusprinsesse hulahop-ertoq aammalu RollaRollamik quiasaarisartoq avid Kovatchev aliikkusersuisut.
Bulgariamit peqataassaaq Viktor Nikolov, taannalu innermik naaralaartitsisartuuvoq. Qallunaaq akorseqattaallammak Oliver Berdino Cirkus Arenami kinguaariit sisamassaraat, siullermeersumillu Nunatsinni piginnaasaminik takutitsissaaq.
Cirkus oktobarip aallartinnerani tikikkuni illoqarfiit makkua tikeraassavai Sisimiut, Nuuk, Maniitsoq, Aasiaat Ilulissallu.
Oqaluttuaq tamaat atuaruk aammalu Nuummi angisuunik mikisunillu pisut atuakkit. Nuuk Ugeavis akeqanngitsumik aasinnaavat uani: