apersuineq
China Central TV: Sooq puisit piniarneqarnerat killilersorneqanngila?
Kinamiut tv-imik aallakaatitassiortartut aalisarnermut, piniarnermut nunalerinermullu naalakkersuisoq Finn Karlsen Siumumeersoq apersorpaat
Naalakkersuisut siulittaasuat Aleqa Hammond China Central TV-imit apersorneqareerpoq. Aalisarnermut, piniarnermut nunalerinermullu naalakkersuisoq Finn Karlsen Siumumeersoq aamma apersorpaat.
Tamanna marlunngormat pivoq.
Tv-liortut Kinami tv-eqarfissuit pingaarnersaanneersuupput, CTTV-imeerlutik. Tv-qarfissuaq 20 million missaanni isiginnaartoqartarpoq.
Tv-iliortut Finn Karlsenimut apeqqutaasa ilaat tassaavoq silaannaap allanngorneranik pissuteqartumik ullutsinni aalisarneq piniarnerlu ajornarnerulersimanersoq.
Apeqqutaasa ilaat tassaalluni: Nalunaarusiat ilaat naapertorlugit puisit amerleriarsimapput ukiunilu kingullerni aalisakkanik amerlalluinnartunik nerisarlutik, aalisarnermut akornusersuutaasaqaluni. Kalaallit Nunaanni puisinniarneq killilersorneqanngilaq. Naalakkersuisut suna tunngavigalugu killilersuititsinngillat?
Pilersaarutit naapertorlugit apersuineq aappagu aallakaatinneqassaaq.