Sunday, October 1, 2017 - 08:02

Cataloniap namminiilivinniarnermini aqqusaarsimasai

Assi.: AP Photo/Alvaro Barrientos
Cataloniami immikkoortoqarfimmi naalakkersuisut neriorsuutigaat sapaammi inerteqqutaangaluarpalluunniit qinersititsiniarlutik.

Cataloniami oqartussat Madridimi naalakkersuisoqarfimmit aninissaq sapaammi taasissutiginiarpaat.

Tamanna pissaaq naak spaniami eqqartuussiviit qullersaata taasititsinissaq tunngaviusumik inatsimmut akerliusutut oqaatigisimangaluaraat.

Uani Cataloniap namminiilivinniarnermini ilungersuutigisimasaat paasisaqarfigisinnaavatit:

* 2006

30. marts: Madridimi parlamentip inatsit nutaaq akueraat, tassani Catalonia immikkoortoqarfimmi aningaasaqarnikkut inatsisitigullu pisussaaffeqarnerulerneranik malitseqarpoq.

31. juli: Ministeriuneq Mariano Rajoys partiiata konservativiusup tamanna akerlilersorpaa, partiimi naapertorlugu Catalonia amerlavallaanik "pisinnaatitaaffilerneqarmat"

* 2010

28. juni: Spaniami tunngaviusumik inatsimmut eqqartuussiviata aalajangiinerup ilaa 2006-imeersoq atorunnaarsippaa. Ilaatigut oqaaseq "naalagaaffik" Cataliniamut atorneqartartoq, atorunnaarsillugu.

10. juli: Inuit hunnorujutusintilikkuutaat Barcelonami namminiilivinnissamut akerliussutsimik takutitsipput. "Naalagaaffiuvugut, nammineq aalajangissavarput" akerliussutsimik takutitsisut oqariartuutigaat.

* 2012

11. september: Inuit millionit sinnillit – Spaniap inuiattut ullorsiornerani – Barcelonami namminiilivinnissaq pillugu akerliussutsimik takutitsipput, Tamanna massakkut Cataloniami ukiut tamaasa pisarpoq.

* 2014

9. november: Cataloniap Madrid akerlilerpaa avissaarnissamulli taasititsilluni. Cataloniap namminiilivinnissaa 80 procentinit taasissutigineqarpoq. Kisianni qinersiartortut 37 procentiinnapput.

* 2016

10. januar: Immikkoorniaq Carles Puigdemont Cataloniami præsidentitut toqqarneqarpoq.

* 2017

9. juni: Carles Puigdemontip nalunaarutigaa, cataloniap namminiilivinnissaa 1. oktoberimi taasissutigineqassasoq. Spaniami naalakkersuisut oqaatigaat taasitisinermi assersuiniarlutik.

3. juli: Puigdemontip immikkoortoqarfimmi naalakkersuisoqarfimmini ilaasortaq ataaseq tunuartippaa, taassuma taasinerup akuerineqarnissaa apeqqusersimammavaa.

Ministeriuneq Mariano Rajoy cataloniami naalakkersuisunut "naalagaaniarpallaartutut" pisuutitsivoq.

7. september: Spaniami eqqartuussiviit qullersaata taasititsinissaq tunngaviusumik inatsimmut akerliunerarpaa. Taamaattoq Cataloniami immikkoortoqarfimmi naalakkersuisoq taasititsineq ingerlanneqarumaartoq neriorsuutigaat.

13. september: Spaniami politiit peqquneqarput taasinernik, taasinermut nakkartitsivinnik, plakatinik taasinermulluunniit atortunik allanik arsaarinnikkut unitsitseqqullugit.

20. september: Politiit catalanerit atorfilittaat 14-it tigusaraat, taakku taasititsinissamik aaqqissuisut pasineqarput. Politiit naapertorlugit taasinerit 10 millionit missaanni arsaarinnissutigineqarsimapput. Catalanerit tusintilikkuutaat Barcelonami politiinut akerliussutsumik takutitsipput.

29. september: Catalanerit naalakkersuisuisa oqaatigaat, taasinermi narkkartitsiviit 2315-it taasinermi piareersimajumaartut.

30. september: Spaniami politiit paasissutissiipput, qinersiviit affaat sinnerlugit matusimallugit.

Tusarfik: AFP

Seneste nyheder / Nutaarsiassat kingulliit